المشاركة الأصلية كتبت بواسطة أبو عبادي

أتفق معك بالفضفضة لمريض مثلكأو حد متفهم ويقدر الأمور لأنه الأغلب أصبح يستهزئ بحالنا أو يضحك علينا الله المعين وشعور صعب جداً والله ومحبط 😣😪


على طاري الاستهزاء
مره كنت جالسه مع اهلي و قريباتي وكانت وحده من البنات تو مخطوبة
هي ما كانت متواجدة معانا بالجلسة فطبيعي يتكلمون عنها وعن خطيبها
شويات مع السوالف الا وحده من البنات تسأل , صدق زوجها مريض ؟
فردت عليها وحده ايوه سمعت مهو صاحي
هنا شدني الكلام وسألتهم كيف يعني مو صاحي ؟
والله يا أبو عبادي بكل وقاحة ردت علي تقول مو صاحي مريض نفسي وياخد من هالادوية حقت المجانين
قسم بالله كان ودي أقوم وصفقها قدام كل الناس ونتف شعرها لين تقرع
بالله كيف حكمت عليه انه مجنون ومو صاحي ؟ هي عارفه بالظروف الي مر فيها وخلته يحتاج الى هالدواء ؟
هالموقف مستحيل انساه وللأسف كانت هذي البنت تعرف بحالتي ومع ذالك ما احترمتني
فعشان كذا أي موقف يصير معاي صرت ما ازعل ولا اضايق عليه بالعكس صرت اقوى نفسي فيه
لاني لو زعلت نفسيتي راح تتعب ومحد بيخسر فالنهاية غيري

ماشاء الله تبارك الله عليك يا رياحين والله سعِدت بما قرأته الله يشفيك ويقويك ويكتب لك ولنا الشفاء العاجل ومهما كان لازم نصبر ونتعلم كيف نتعامل بهدوء مع حالنا مهما كان الله يرفع عنا أختي تستخدمي دواءنفسي؟

لا الحمدلله ما اخد دواء نفسي والله لا يحوجنا له
بذكر لك موقف صار معاي على السريع و نشاء الله اختصره مشكلتي ما اعرف اختصر الكلام

اول بدايتي مع المرض دكتورتي النفسيه قالت ما احتاج الى دواء يبي لي كم جلسة علاج سلوكي واكيد بتحسن
المهم مرت الأيام والشهور ماحسيت أي تحسن بحالتي بسبب الظروف الي كنت امر فيها
وغير سبحان الله وين ما اروح كنت اسمع عن مرض القلب ادخل برنامج الواتس ولا الاستقرام كلا الاقي عن القلب وأسباب الموت وغيرها
هذا غير المواقف الي تصير معي مع الاهل كانت تخلي حالتي تنتكس
تقريبا بعد 5 شهور كلمت زوجي كنت حيييل يأسانه من حالي وطلبت منه اروح اخد علاج دوائي
شوف العادة الواحد لو تجيه فلونزا وده من يدلعه ويهتم فيه
مابالك احنا يالي طول يومنا عايشين بخوف ورعب اكيد ودنا من بس يطبطب علينا طول اليوم
لاكن اني عكس الناس
زوجي خيرني بينه وبين العلاج الدوائي
فعشت أيام فحيره وتعب اخد الدواء وترك زوجي طيب وبعدين اذا تحسنت كيف بيعيش حياتي اولادي وش مصيرهم خاصه كان عندي رضيع
اختار زوجي وبعدين ؟ بعيش طول عمري فتعب وخوف وقلق ؟
كنت اسأل نفسي زوجي بيتحملني بعدين طول العمر اذا الاعراض مارحت ؟
بعد التفكير اخترت طبعا زوجي
بس هالموقف خلاني أصير قوية نقول صار عندي مثل التحدي
ابي زوجي يشوفني كيف اتحسن بدون اهتمامه ومساعدته وبدون الدواء
وغير كذا كنت اشوف ام زوجي
من صير معاها موقف حيل صعب ماتقدر تتحمله تتعب على طول ويرقدونها بقسم النفسي
يعني الدواء الي كانت تاخده ماكنت اشوفه جايب لها نتيجه اذا من ابسط المواقف تتعب وطيح عليهم ويطرو يرقدونها شهر واحيان اكثر لين تتحسن حالتها
يعني بيفيدني اني طبعا لا
لانا عقلي في معلومات وأفكار غلط يبي لها برمجه من جديد