المشاركة الأصلية كتبت بواسطة رياحين

السلام عليكم

مساء الخير ، لي كم يوم غايبه عنكم
ام محمد ، هديلو طمنوني عنكم وايضا الجميع ان شاء الله كلكم بخير ؟

سبحان الله لي كم يوم مافيني الا العافية والبارحة بس بديت احس بشوية اعراض واليوم من جلست من النوم زادت علي بس اني مبسوطه من حالي مطنشتنها ومكمله يومي ع الجدول الي حاطتنه لي
وطول الوقت بحاول اضحك وسولف وما اخلي اي فكرة ولا عرض يزعجني
ولو فعلا حسيت شوي الوسواس سيطر علي ع طول بكلم نفسي

انا ليه خايفه ؟ فيني مرض طيب ايش اعمل اذا ربي كاتبه لي
بموت الحين ؟ طيب عادي مالكل راح يموت

يعني احاول قدر الامكان ما اعطي مجال لتفكير السلبي و ان شاء الله
اظل متمسكه بهالقوة الي فيني لاني حاسه بجيني نوبة هلع وابي اكون مستعده ليها واهاجمها قبل ماهي تهاجمني ..

( في تحدي اليوم سويته لنفسي مره مبسوطه فيه )

طبعا اول عرض بدا معي البارحه بحس بالنور يوجع عيني وبضايقني ودي اجلس فمكان ظلمه او اغمض عيني واليوم زاد علي لدرجة احس راح انعمي لو ظليت بالنور

قبل كنت فعلا بخاف و ع طول بجلس بمكان مظلم او اغمض عيني وانا بمكاني
لاكن البارح واليوم شاده ع نفسي قدر الامكان بحيث اتحدى نفسي وما اغمض عيني وعناد اكثر شغلت كل اضواء البيت بشوف يا انا يالهالفكره الغبيه