نفساني - عرض مشاركة واحدة

16-07-2017, 11:40 PM

من أسبوع و أنا أحس ايامي كئيبه ..
ودي اشرح لحد احساسي لكن ماعرف شقول بالضبط !
مشاعري كلها متلخبطه .. أحاسيس كثيره و أعراض و أفكار
كلها مرتبطه بكلمه وحده وهي (الموت)
قبل أشهر كنت اقول انا الحمدلله تحسنت وايد .. نسيت الهلع و الخوف و الافكار
لكن قبل رمضان و انا احس اني قاعده ارد مثل ما كنت ..
الايام الي اسميها ايام سوداء .. كانت ايامي في بداية الوسواس

يومي كئيب .. مافيه شي
بكاء .. خوف .. نوبه .. اعراض غريبه .. بموت بتخبل شسوي وين اروح والخ
ما ارتاح الا اذا غمضت عيني واستسلمت للنوم

احياناً اقول انا ليش اقعد من النوم ؟
لان مخي يرتاح وانا نايمه .. لكن اول ما اصحى لين ارجع انام و انا احس اني اتقطع

ودي اشرح بس كيف؟
مابقدر اوصل الفكره بالضبط .. انا بنفسي مش فاهمه شو قاعد يصير لي

في شيء فيني يقول : خلاص لين متى ؟ هذه ايام وبتمر مثل غيرها .. خلاص استوعبي ان هذا كله قلق .. لين متى اصدق الاحساس
و في شي ثاني بعد يقول : لا .. الي قاعد يصير مش قلق ..

ودي اسأل :
تخافون من كل شيء ؟
تخافون حتى لو حسيتو بقرصه في ظفركم؟
احس احياناً ان انا فيني مرض لكن مادري شو هو
يعني انا اعرف اني سليمه لله الحمد
لكن احس ان اعضائي تعبانه كيف مادري !

احيانا احس كاني قنبله بتنفجر بعد دقائق
اكون قاعد على اعصابي .. اخاف حتى اني اتنفس

كل هذه الاحاسيس تصير معاي كل يوم و كل ساعه
لكن بفترات متقاطعه تقد تقريبا ربع ساعه وتختفي و ترد ترجع

احياناً ودي اني اصيح و اطلع كل الي في قلبي
لكن احياناً حتى البكاء يكون صعب ..

اقول : مستحيل كل هالاحاسيس عباره عن الموت
لأن الله ارحم من كل حد ..

لكن احياناً ماقدر اقنع نفسي حتى

ان الله معنا ,نور الحميدي ,ام جنا و 1 آخرون معجبون بهذا

المصدر: نفساني