نفساني - عرض مشاركة واحدة

18-07-2017, 04:13 PM

في بداية عمر الـ18 ... كنت انسان طبيعي 100٪‏ ما اعاني من ولاشي لاعضوي ولانفسي وكانت حياتي جميلة اكثر من ما يتصور اي احد
وكنت املك سيارة جميلة من اول ماخذيت رخصة السياقة ... وكنت اروح واجي مع ربعي وكانت عندي شطانه بهالعمر مثل اي شاب بعمري

في يوم من الايام ... وهذا يوم الاسود الي بحياتي الي بدت في معاناتي ( كنت طالع ويا ربعي وانا بخلال الطلعه حسيت بعصبيه مو طبيعية شنو السبب لا اعلم وكان بخاطري اني اتهاوش مع اي شخص بالشارع ... على العموم رديت البيت ولمن وصلت البيت كنت قام اتكلم تلفون مع فتاة وعلى غشمرة قلت حق الفتاة تخيلي ان انا فيني ( جني ) انا اول ماقلت هالكلمة جان احس ان في شي دخل فيني بعدها سكرت التلفون وركضت حق ابوي وقتله يبا احس في شي قام يدش فيني واصرخ واصيح واقول يبا الحقني مابي امووت ( ومن هنا بدت رحلتي مع المشايخ من جميع المذاهب )
في يوم من الايام رحت حق شخص ارتحتله وهالشخص من اول ماقعدت معاه شرحلي حالتي من غير ما اتكلم ولا كلمه قال لي ( انت تحس بصداع وخوف .... وشغلات وايد قالها كنت احس فيها ) قرب صوبي وحط ايده على راسي لي مدة دقيقتين ولا فجأه احس بدوخه براسي مدة ثواني وراحت ... اول ماحسيت بالدوخه رفع ايده من راسي وقالي حسيت بدوخه؟ قتله اي فعلاً ... قال خلاص الحمدالله والحين قوم واغتسل مثل غسل الجنابه
وفعلاً قمت واغتسلت ... ومن هنا بدت معاناتي مع القلق والخوف والهلع ولكن كان تفكيري ان هذا جني لان ماكنت اعلم بشيء من الامراض النفسية... وذهبت حق الشخص مره ثانيه وقال ان مافيك شي وهذا مجرد وسواس ... وذهبت حق شخص بدولة اخرى وقال لي بالبداية ان هذا الشي بسبب بنت واترك البنت ( وتركت البنت ) ولازال الخوف والهلع يلازمني وكنت اتواصل مع هالشخص عبر الهاتف وفي يوم من الايام نصحني وقال لي اوعدني انك تذهب إلى دكتور نفسي ( وقتله ان شالله ) ولكن ماكنت مقتنع وذهبت لدكتور نفسي وشرحلي حالتي وشرحلي الي احس فيه من غير ما اقوله ( وقال هذا هلع وان ماله علاقة بالجن ) وعطاني سيبريلكس واستمريت على السيبريلكس سنتين وحالتي عادت مثل قبل واحسن ولمن صار الوقت الي لازم اقطع في الحبوب انتكست حالتي والدكتور غيرلي العلاج من سبريلكس الى سامبالتا
ولكن حالياً بدت الافكار بمخي واذكرت الماضي وقلت هل ممكن ان الي فيني شي روحي اكثر من شي نفسي؟ وان يمكن هالشي الروحي اهوا الي متعب نفسيتي ؟
وحالياً محتار هل الفيني مجرد شي نفسي ومثل ماقال الدكتور ان تشخيصي ( قلق عام ) ولا الي فيني شي روحي ....
وللعلم قريت ان في وحده كاتبه في احد المنتديات ان كانت تعاني من قلق ولمن خذت حبوب تعالجت 40٪‏ وبعدها ذهبت للرقيه الشرعية وقالت ان الي فيها اعترف للشيخ وقال له ان انا مكلف عليها حتى تصير مجنونه <<< هل هذا الكلام صحيح ويعقل؟

ابيكم تفيدوني وتنصحوني شنو حالتي بضبط شي نفسي ولا شي روحي واذا كانت شي نفسي فقط؟ لماذا اول مرضي لمن ذهبت الى الشيخ وحط ايده على راسي حسيت بدوخه؟
واذا كان شي روحي لماذا الحبوب بالبداية حسنت حالي؟

انا اسف على الاطاله ولكن هذي المره الاولى الي اصارحلكم بحالتي بضبط وياليت ماتخيبون املي لان فقدت الامل وطلبت مساعدتكم ؟

المصدر: نفساني