سبحان الرحمن

بيانات اضافيه [ + ]

رقم العضوية : 56801  تاريخ التسجيل :  07 2017  أخر زيارة : 27-04-2019 (01:12 AM)  المشاركات : 3 [ + ]  التقييم :  10

لوني المفضل : Cadetblue

تعبت والله المستعان الي عنده حل شي

بسم الله الرحمن الرحيم

كيفكم يااهل المنتدى عساكم بخير يارب

انا انسان كنت طبيعي جدا مثلي مثل اي شخص

فجاه في سنه من السنوات انقلبت حالتي وكانت تجيني وساوس مو طبيعيه

استمرت معي هذي الحالة لمدة سنة وستة شهور وانا في هم وغم

ولا ادري ايش الي فيني اصلا

الاعراض الي كنت امر فيها :

1- شرود ذهني
2- وساوس قهري
3-الخوف وزيادة الافكار السلبيه وسرعة في دقات القلب وتطريش الله يكرمكم
4-الاكتائب والعزلة عن المجتمع وكسل وكثرة التعب والنوم
5- القلق والتوتر الدائم
6-عدم تركيز+تشتت افكار+تشتت ذهني+نسيان
7-رهاب اجتماعي
8-عدم ادراك الواقع
9-احساس ان العقل فارغ من الافكار
10-احساس اني ماني طبيعي+احساس اني ماقد عشت في الحياة
11-انفصال عن الذات
12-انعدام الثقة في النفس
13-عدم الاحساس بشي مافي اي مشاعر
14-الشك في كل شي
15-الصمت كثيرا
16-الغضب كثيرا
17-عدم الفهم والاستيعاب
18-التهرب من المواقف الاجتماعيه
19-حركات غريبه بدون فاىده
20-احس اني مثل المجنون بعض الاحيان
21-احس اني فاقد الذاكرة
22-عدم القدرة عن التعبير وايصال المعلومه بشكل مفهوم
23-الشعور بالتوهان
24-لو جلست لوحدي ابدا اسولف مع نفسي كثير ومااقدر اوقف
25-احتمال ان جميع الاعراض هذي من الوسوسه

فجاه واحد من خوياني شرحت له المشكله وقال ليه ماتروح عن طبيب نفسي
قلت لا يارجال ماتوصل لطبيب نفسي وفعلا جلست افكرفي كلامه واقتنعت بعدها
وتوكلت على الله ورحت وقلت له على كل شي
وشخص حالتي انها ذهان واعطاني ادوية على ماظن اسمها انافرانيل وريسبدال
وواجهت مشاكل مع الاهل بسبة الادويه وليه صرفتها وليه وليه وليه وتحقيق
قلت ماعلينا مدة الدواء 6 اسابيع وانا اكلت الدواء لمدة اسبوعين ويومين
وقطعت الدواء بسبة الاهل من بعد ماقطعت الدواء حسيت بااعراض ضايقتني
والى يومكم ذا تضايقني وخلتني منعزل جدا مااطلع من الغرفه الي انا فيها الا
اذا ابي شي الاعراض الي احس فيها الحين :
1-عدم الادارك
2-عدم التفكير مايمديني افكر باي شي
3-عدم القدره على التفاعل الكلامي يعني اذا احد فتح لي موضوع مااقدر ارد له اسكت
4-اضطراب في النوم
5-مايمديني اعطي راي في اي شي احس مخي مقفل مره
6-قلة التركيز
7-فراغ العقل من الكلمات يعني احس اني مااقدر اتكلم كثير
8-عدم الاستيعاب
9- عدم الفهم
10-صداع دائم خاصة من بعد النوم

المشكله هنا قلت خلني ارجع للدواء لعل الاعراض هذي من الذهان
وفعلا رجعت للداوء بس مافي استجابه للدواء واستمرت هذي الحاله الى الحين
واانا مااقدر اسوي اي شي ايش تنصحوني احس مخي مو شغال بالمره
اجي ابي افكر مااقدر اجي ابي استوعب مااقدر اجي ابي افهم مااقدر الا بصعوبه
الحين انا قاطع الدواء هل ارجعله ولا كيف احترت الله المستعان
مع ان الاعراض القديمه ماتجيني بس الجديده ذي تعبتي مااقدر اسوي شي ابدا
ارائكم واقترحاتكم لعل الله يجعل لي مخرج منها وارتاح
لا اله الا الله المستعان

المصدر: نفساني