المشاركة الأصلية كتبت بواسطة سعيد السعيد

والله يا اخي انا قبل 4 سنوات راجعت الدكتور عبدالله السبيعي واقرب موعد كان بعد 4 شهور ودفعت حق الكشفيه 400 ريال ولما دخلت عنده العياده ما تعدى وقت الجلسه حتى 5 دقايق ما امداني حتى اكمله له واشرح له الاعراض الي فيني على طول كتبلي بروزاك وقلي خلاص انتهى الوقت في مراجعين بعدك تفضل لو سمحت ، اسلوبه كان سيئ في التعامل صراحه ، وانا اشوفه طبيب عادي مثله مثل غيره لكن معروف ان اي طبيب بيطلع في التلفزيون بياخذ شهره وغالبا بتكون شهره على الفاضي

حتى مره من المرات كان في 10 مراجعين حاجزين مواعيد و ينتظرون موعدهم عشان يدخلون عنده العياده في الاخير طنشهم ومشى وترك العياده عشان يروح يصور حلقه في التلفزيون