المشاركة الأصلية كتبت بواسطة العمر يجري

اعتقد على حسب مزاج الصيدلي, لاحظت في كل صيدليه يفتي صاحبها من راسه. طلبت من واحد منهم مجموعة علب علشان ما اتعب اروح وارجع أكثر من مره فقاللي ما اقدر اعطيك اكثر من عدد معين لنفترض ثلاثة علب
وبغض النظر عن العدد اللي افتى فيه, رحت لصيدلية ثانية وقلتله عن اللي صار قاللي ترى الصيدلي الأول معلوماته مغلوطة ولافي اي مانع لصرف الكمية اللي طلبتها

المشكلة نفس الصيدلي الثاني لما جيته في وقت ثاني طلب مني وصفة طبية
اكتشفت ولاحظت بعد تجارب كثيره أن الصيادلة اكثرهم ما عندهم سالفه
ولي رأي بخصوص الاستشاريين بتكلم عنه في موضوع ثاني


دواء افيسكور استخدمته لمدة تزيد عن ثمان سنين
استخدمت جرعة 75 وجرعة 150 وجرعة 225 كلها باستشارة طبيب
جرعة 225 نقصتها بدون استشارة بعدما لاحظت تغير خطير على مزاجي وخوف على سلامة من حولي بسبب سهولة استفزازي
جرعة 150 كانت أكثر أمان وسبق لي تجربتها باستشارة طبيب في الماضي
اضطريت انزل الجرعة أكثر من مرة إلى 75 بسبب غلاء سعر الدواء نسبياً وحالياً انقطعت عن الدواء ولا لي نيه ارجع له.



مشكلة النوم للموظفين ما اعرف لها حل وسبق وطلبت أكثر من استشاري دواء يساعد على النوم ولاحظت في ملامحهم تردد لسبب لا أعرفه
واحد من الأدوية ما اتذكر اسمه اخذته باستشارة طبيب لعلاج مشاكل النوم ولما قريت نشرته ما لقيت فيها أي ذكر لعلاج الأرق أو مشاكل النوم, الدواء يعالج القلق!
جربت أول يوم الجرعة المطلوبة وجلست لليوم الثاني صاحي, وهذا الشي اقنعني بفشل الدواء

الدواء الثاني اسمه دوغماتيل, مكتوب في نشرة الدواء (مضاد للذهان مهدئ عصبي - يستعمل لعلاج بعض أشكال القلق وبعض الإضطرابات السلوكية)
مافهمت علاقة مشاكل النوم بالمذكور في النشرة. فالسؤال اللي يطرح نفسه هنا, هل يعالج الدواء مشاكل الأرق ولا لا؟

طبعاً التجربة خير برهان, جربت الدواء أول مره ولا فادني بشي, لذلك ركنت الدواء على جنب وفي يوم من الأيام كنت فاضي قررت أجرب الدواء قبل النوم بحوالي ساعة وفعلاً حسيت جاني نوم
هذا الشي خلاني افكر واقلب الموضوع وأسئل نفسي, ليش التناقض بين النتيجة الأولى الفاشلة والنتيجة الثانية الناجحة؟ هل النتيجة الناجحة بسبب شي ثاني؟
دوغماتيل ثاني دواء لعلاج مشاكل النوم قررت اتجنبه بسبب فشله

لحد الآن افيكسور هو العلاج الوحيد اللي كان ناجح بالنسبة لمشاكل النوم لكن اعراضه الجانبية مؤذية على سبيل المثال الإمساك وسهولة الإستفزاز ومن جهة ثانية محاولة تركه صعبه
وللمعلومية توقفت عن استخدام دواء افيكسور قبل حوالي ثمان سنين وكان نتيجة لتركي لوظيفتي ورجعت للاستشاري بعدما فصلت من العمل اتراجف كأني مدمن مخدرات وصرف لي نفس الدواء