|
ارتكبت غلطه كلفتني حيااتي (هذا انا بكل شفافيه)
بسم الله الرحمن الرحيم
انا بعطيكم قصتي باختصار شديد
عام 2011 اضطريت ابيع سيارتي علشان ادرس برى ولما طلعت اكمل برى كنت اشعر بعدم الامان لاني مسلم في امريكا طبعا مدري ليش صرت اخاف كثير
لين وصلت مرحلة الاكتئاب مبدئيا وماكنت اعرف انه اكتئاب مرت اسبوعين متواصله وانا مكتئب وخوف اضطريت اني ارجع السعوديه بعد ما اتممت دراسة اللغه الانجليزيه الاكاديميه
يوم رجعت الرياض ارتحت شوي لكن ماطولت الراحه معي رجع الاكتئاب والخوف وكنت اقول هاذي اكيد نفس ودخلت في دوامة وسوسه كثيره رحت لمستشفيات كلهم يقولون انت سليم مافيك شي ورحت ل احد المشايخ المعروفين وقرا علي بعدها قالي لازم تجي بكره
ومارحت له من بعد الاشكال الي شفتها عنده الله يشفيهم ويعافينا المهم صرت وحيد غرفتي واجهزتي الالكترونيه بعد مرور 3 سنوات وانا يوميا اكتئاب وخوف والناس شكو فيني وحياتي انعفست ، حينها قررت اني ادرس
وفعلا درست الكليه وتخرجت بتقدير جيد جدآ طبعا احداث كثير صارت اثناء دراستي لكن المختصر انه بعد دراستي تفاجئت ان الناس تقول (( بالله شهادتك دبلوم الله يعين الحال )) ورحت ادور وظايف
مالقيت الوظيفه الي اقدر اتزوج بعدها ع طول قعدت 8 شهور ادور اخر شي بدت نوبات الهلع عندي وبدات امور كثيره مثل الضيق والبكاء المفاجئ والغثيان المستمر وصرت خلاص ابي اموت والاهل الله يحفظهم لي كانو يعتقدون اني داعشي لانهم يقولون انت تغيرت 180 درجه وكنت اجلس لوحدي وصارو احيانا يشكون اني فيني شي من الجن وجتني اتهامات كثيره اخ تخيلو الناس تشك فيك وكلن يتهمك على كيفه !!
سلكت طرريق ليتني ماسلكته ايه يا جماعه صرت اشتري المهدئات من السوق السودا ورجعت ادخن وصرت استخدم الحشيش وهنا كانت مصيبتي طبعا في البدايه كنت اقول دامها تريح اعصابي وتخليني اضحك خلاص اصلن معد تفرق
وقعدت سنه وانا استخدم الحشيش وكانت تستنزف فلوسي وعقلي اخ ضيعت نفسي بنفسي لاني كنت اقول مافي شي اخسره بعد سنه حسيت اني من جدددد ادمنت عليها يعني لو يمر يوم ما احشش فيه ابدا اتنرفز واعصب
اخ بس صارت احداث ماقدر اذكرها بس الان لي اسبوع تاركها والله ي جماعه ابي شي يحفزني اني استمر في تركها (( المستشفيات الحكوميه ما ابغاها ابد ))
انا ب اختصار راااجع وبقووه لشخصيتي المرحه والطقطقه بس ع فكره انا لم ادمن ع المهدئات ابد كنت استخدمها من بين حين الى حين بجرعات معقوله
لي تكمله معكم باذن المولى واسف اضطريت اكشف الستار عن بعض الامور واي شخص عنده انتقادات يتفضل بدون لايجاملني
|