اقتباس:
المشاركة الأصلية كتبت بواسطة ماندوزا
كثير افكر اني اسوي قناة باليوتيوب اشرح فيها كل شي فاهمينه خطأ لان اغلب الاطباء ما ذاقوا المرض ولا يعلمون الشعور الي نعانيه وكيف ان بعض الامور الي يقولونها على سهولة تطبيقها للجميع الا انها من اصعب ما يكون لنا
|
فعلا الانترنت وبالاخص اليوتيوب مليان فيديوات ومقالات عناوينها برّاقة..
وياما دكاترة يحصلون شهرة وملايين المتابعين لكن لما نسمع كلامهم نلاقي معظمه افكار تافهة الكل عارفنها يغلفونها بكلمات حماسية لجذب الناس
واغلب كلامهم مكرر يرددونه في كل مقابلة واما يطرحون المشكلة بدون ما يتطرقون للحلول،
او يطرحون حلول بشكل سطحي ونظري بحت وتطبيقها خيالي للي وضعهم صعب
حتى ذوي الاحتياجات الخاصة نشوف دكاترة يتسلقون للشهرة على حسابهم
ينزلون مواضيع بالهبل يفكرون نفسهم صاروا خارقين واعطوا حلول جذرية للناس
واصلا مواضيعهم قمة السطحية وكلها كوبي بيست نفس بعض
وما تتطبق على ارض الواقع
مثلا اطفال معاهم توحد وما يندمجون مع اللي حولهم شلون نعطيهم تمارين مال اشخاص عادية
او مثلا اطفال متاخرين في النطق ما ينطقون غير كلمات يازعم يحطون نصايح قولوا لهم يقولون لكم قصص وشنو صادهم من مواقف
شي خارج المعقول طفل ينطق بس كلمات شلون بيقول قصة اللهم الا اذا تطور وضعه وفي كل الحالات نصايحهم لا تغني ولا تسمن من جوع