|
الحفظ،، ردوا علي جزاكم الله خير
الدكتور الفاضل،، مشكلتي ربما مو كتير غريبة بس مزعجتني وياريت الاقي حل عندكم،، مشكلتي هي كثرة النسيان،، يعني عندما بقرأ كتاب من كتب جامعتي بفهم كل شي مكتوب الحمد لله وخاصة اساتذتنا ما يقصرون جزاهم الله خير، بس لما بحفظ شي والله يشهد بحط كل جهدي،، بس بعود اليه بعد فترة بلاقي حالي نسيت المعلومة الموجودة في الموضوع والفترة مو بعيدة ربما أيام او اسبوع بينما بلاقي أصحابي بس درسوا شي وحفظوه خلاص حفظوه ولفترة طويلة يعني صح الانسان بينسى بس مو بعد أيام معدودة،، حتى اذا بدي اساوي شي اجتماعي عادي بالحياة بلاقيني نسيت مثلا اليوم في بذهني شي لازم اساويه بكرة او اهلي وصوني على شي اجيبه معي بعد الكلية بنساه،، أو حتى القرآن مع اني ما حاولت أحفظه كله بس بحفظ سور وآيات بس بلاقي حالي نسيتها بسرعة ليش،، مرات بحس بنفسي بخرف بكير ،، مع ان عمري 20 سنة بس ولسا في هالعمر لازم يكون ذهني شغال 100%،، ياترى في فيتامينات أو أدوية معينة تظبطلي موضوع هالنسيان،، يعني أنا بفكر يمكن انو التيار العصبي عندي فيه شي يخلي المخ ما يحتفظ بالمعلومة فترة طبيعية متل كل الناس،، وحتى اني صرت أخاف من مرض الباركنسون يعني،، هل معقول؟؟ طيب أنا بنتظر منكم رد الله يخليكم وشكرا
|