نفساني - عرض مشاركة واحدة - هذا حالي وهذا اللي يصير معي من نوبات الهلع ارجوكم ساعدوني

30-08-2017, 04:15 AM

هذا حالي وهذا اللي يصير معي من نوبات الهلع ارجوكم ساعدوني

صباح الخير ع الجميع قبل كل شي اشكر اخوي ابن دايم ع توجيهاته المستمره لي والله يجزاك خير اخوي
انا لي سنه و 3 شهور ع سيروكسات سي ار 25 العلاج ممتاز جداً شفيت بنسبه 100% بعد الله ولاكن قبل شهر نص تقريباً قلت لدكتور ابي اوقف العلاج وقالي يوم اكل ويوم لا مشت الامور تمام من حوالي وتقريباً 15 يوم جتني اول نوبه بعد استخدامي للعلاج لان العلاج شفاني بعد الله من كل شي بالهلع سواً نفسي او اعراض نفسوجسديه طلعت من صلاه الجمعه قبل اسبوعين مافيني شي فجئه حراره داخليه خوف قوي من الموت احساس بكتمه دقيت ع اخوي جاء اخذني وتركت سيارتي قبل 4 ايام بسوق ع الفجر طبعاُ سوق الاغنام جتني حاله ضسق تنفس شديد وضيقه وتركت سيارتي وجاء اخوي اخذني مساء امس الاول رحت للاسعاف ضيق تنفس قوي وكل شي طلع عندي سليم طبعاً لي 4 ايام اكل العلاج يومياً لان الدكتور قالي لو حصلت اي نتاكسه ارجع للعلاج لان مده بقاء العلاج بالدم 30 ساعه تقريباً بعطيكم اللي اعاني منه ع شكل ارقام وبحاول اختصر تكفون ساعدوني
1- انا عاطل من 8 سنوات تقريباً ونوبات الهلع بسببها خسرت كل شي رغم اني متفاءل للحين

2- لي يومين او اكثر احس بطفش وان الدنيا مالها طعم وصرت اذا مشيت ع رجولي رياضه يعني ارتاح بعد الرياضه ومشكلتي اتحمس يوم يومين اسبوع ع الرياضه واتركها عزمي مره قوي ومره ضعيف

3- مااقدر اسافر لحالي ابد مااخفيكم بعد تحسني ع العلاج رحت عمره 3 مرات ولانوبه جتني ولله الحمد

4- احس ان مافيه احد يوجهني ويقويني بعد الله حتى اهلي ولا يعرفون ب النوبات اللي فيني

5- اتذكر وقفات سيئه من اصدقاء خذولوني واجلس افكر بالساعات فيها رغم انها سوالف قديمه بس تفكيري سلبي عجزت اسيطر عليه

6- عندي استعداد استمر ع العلاج بس موضوع السمنه مضايقني والتبلد يعني مالي نفس اسوي اي شغل يجني حتى الصلاه اكثر الوقت مااقدر اصليها

7- ودي ارجع نفس قبل بس مافيه احد يوجهني ويقويني بعد الله

8- وقت النوبه اضعف واجلس ابكي اقول هذا الموت اعراضها قويه جداً

9- اخاف ع اهلي من الحوادث واذا طلعوا ادق عليهم كثير

10- ابي وادري طلبي صعب من يوقف معي ويوجهني واقدر ادرس او اتوظف واذا جتني النوبه ادق عليه يشعجني

11- نومي كل فتره او كل اسبوع يتغير عشاني عاطل واذا نمت كل النهار اصحى مكتئب ومعصب حاولت اكون صاحي وقت النهار وطبقت هذا الكلام بس اسبوع ويتغير نومي لان معي ارق

12- بتذكر اي عرض معي وانزله بمشاركات بموضوعي هذا

13- النقطه الاخيره وانا اعتبرها الاهم: من مده طويله قريت عن سيروكسات ب قوقل وقالوا انه يسبب الانتحار او التفكير بالانتحار وخفت وصار هالتفكير براسي عجزت اطرد الفكره واحترت قلت لايكون اني افكر باالانتحار صدق مع اني خواف ومستحيل اقدم ع هذا الشي بس مدري ليش كلمة انتحار براسي احترت هل هي من قراءتي او فعلاً هي براسي صاير تفكيري بكل شي متشتت علماً اني قلق من ايام الطفوله
واخيراً تكفون ابي من يوقف معي احس اني وحيد
ولاانسى جهود اخوي ابن دايم واستمراره معي ع الاتصال او الواتس ورده ع طول علي بس اقدر اشغال اخوي بن دايم ولا ابي ازعجه كل شوي رغم سعة صدره لي الله يوفقك ي ابن دايم غالي والله شاهد

ارجو المساعده من الجميع

المصدر: نفساني