لازم نغامر

بيانات اضافيه [ + ]

رقم العضوية : 57000  تاريخ التسجيل :  08 2017  أخر زيارة : 31-08-2019 (07:26 AM)  المشاركات : 72 [ + ]  التقييم :  10

لوني المفضل : Gray

عن تجربة الشغل اللي فيه كرف ولوقت طويل يخفف 80% من الحالة
بس ما هو كافي لانه ما يقضي عليها بشكل جذري

كنت ارجع بالليل منهكة بس ما اعرف انام واسترجع كل اللي صادني
واحلل كل موقف وكل اساءة تعرضت ليها، وكل خطأ صدر مني مهما كان بسيط
لان في عيون اصحاب العمل يشوفونه كبير وناسين انهم مكلفينا فوق طاقتنا وان حنا نغلط من التعب

لكن ما انكر ان الشغل كان له ايجابيات جدا كبيرة

اولا- طلعني من الانغلاق اللي كنت عايشة فيه لان من انولدنا محبوسين بالبيت لا نتواصل مع اهل ام ولا اهل اب
وصديقاتي اذا يزوروني بيتنا ينحشونهم، عشت في بيئة محدودة ولما اشتغلت حسيت اني طالعة من البيضة وبديت اعرف العالم

ثانيا- الشغل وخاصة لان مجبورين نحتك مع الناس طول الوقت سوى فورمات لمخي من هموم وايد

ثالثا- لما اشتغلت حسيت مخي صار يتحرك عقب الجمود اللي سببته قعدة البيت وصار عندي سرعة بديهة

رابعا- رغم بساطة الراتب حسيت ان عايشة بكرامة ووقتها وقفت على رجولي وصرت ادفع مصاريفي كلها
طبعا شاملة الاكل والشرب وافتكيت من منة ابوي على اكلي وشربي

للاسف هالشعور ما دام لان حسيت بضغوط نفسية خاصة من معاملة اصحاب المحل الاستعبادية
وتعليقات الناس ان هاي الشغلة تفشل وشلون عقب الدراسة بالجامعة تشتغلين هاي الشغلة يستغلونج

وتركت الشغل على امل احصل شغل احسن
بس عقبها ندمت لان مشاعر الضياع والوحدة والدونية لاني بدون وظيفة رجعت لي مرة ثانية
وكلام الناس ما فادني بشي

نصيحة الشغل اللي فيه كرف جدا مفيد وياليت لو يقترن بالعلاج السلوكي
الشغل 100% يغنيك عن الادوية والله انها موت بطيء
و99% من اللي ياخذونها يحسون بمضاعفاتها ولا شايفين منها فايدة