نفساني - عرض مشاركة واحدة - :-[ هطول الثلج على وهج النيران ]-:

03-11-2017, 11:05 AM

ليت مالي عين تدمع ولا قلب(ن) رهيف
ودي ان الزين والشين في عيني سوا

مؤمن ان الله تعالى وانا عبد(ن) ضعيف
ناوي(ن) بي خير لو كنت مدري وش نوا

فاقد علاج(ن) لـ روحي ليا جاها نزيف
هو صحيح انسان لكن على هيئة دوا

لعن ابو من هل دمعه على فرقا وليف
والله ان فرقا الرياجيل ملعونة ثوا

اه يا باب(ن) مصفح ويا سور(ن) منيف
ما وراك الا سنافي وعالي مستوى

لو تعرفون انه انقى من الثوب النظيف
ما كسرتوا خاطر الذيب يوم انه عوا

طحت لـ اجله طيح الاوراق في فصل الخريف
يوم طاحت جف ماها وطيرها الهوا

مطنوخه