|
الأحلام ترجعني لنقطة الصفر
السلام عليكم إخواني أخواتي والله مدري من وين أبتدي بعد ما تحسنت لفترة ولساتني في طريق التحسن بعد كل العلاجات لي أقدمت عليها من رقية شرعية وعلاج سلوكي وأدوية والحمد لله تحسنت وتشافيت بنسبة تتعدى 50% من كل النواحي إلا أن الأحلام المزعجة ترجعني لنقطة الصفر وأرجع أكتئب يعني حتى لو الحلم عادي يكون فيه رمز يخوف أو يكون له معنى الموت أحاول إني أطنشه حتى إني صرت ما أفسر الأحلام حتى ما أشوف تفسير يزعجني حتى إني صرت أخاف أفسر عشان ما أفسر شي يخليني متكدرة بس الحلم يظل عالق بذهني وكل ما تجيني نوبة هلع حتى لو خفيفة أذكر الحلم أقول يمكن الحلم بيتحقق أو يرن التلفون أخاف أسمع شي مو حلو والله حتى لو كان فيني نوم ما أحب أنام عشان ما أحلم شي صرت أتمنى ما أحلم شي حتى لو حلم حلو. مدري إذا في ناس مثلي ولا أنا وسواسي غير؟؟؟
|