نفساني - عرض مشاركة واحدة

09-11-2017, 10:46 PM

اقتباس:

بسمة .. فيه واحد عندنا بعنيزة مشهور بتربية القطط في مزرعته وكل يوم العصر يروح محلات ذبح الدواجن ويجيب لهن احشاء الدواجن له عشرين سنه على هالحال وفي نفس المزرعة كل فجر مجلسه مفتوح شبة نار صيف وشتاء وقهوة ..

هلا بك اخونا الفاضل ابو علي

يا ليت يا خوي عندي مزرعة بعيدة شوي عن العمران و البشر المؤذين

كان اخذوا راحتهم واخذت راحتي معهم و تمردغنا بالرمل و الزرع

أما عن شبة الضوء أسوي مجلس أدبي يا ليت : )

هو في اجمل و أرق من الشعر العربي

اما عن الرجل اللي ذكرت اسأل الله أن يجعل ما يقدم في موازين اعماله و يجعل هؤلاء شفعاء له

في يوم لا ينفع مال و لا بنون

مدري هل سبق شفت مقطع ابو صالح اللي انتشر و هو يعشي القطط كل ليلة ربي يبارك له و يكثر

من أمثاله

بالنسبة لي اجيب لهم اخياش طعام جاف غير مكلفة شهريا من محلات بيع مستلزماتهم يوصلونها لي

و الا اتمنى اطعمهم من بقايا دجاج المطاعم يحبون الدجاج اكثر من الناشف ذا اللي نشف بطونهم

و لكن ما عندي احد يجيب لي اياه

الغالب أفت لهم مع مرق دجاج خبز قديم مع شوي من عظام الدجاج و بقاياه يفرحون بها حبايبي

هذي أسويها لهم مرتين اسبوعيا للي عندي من باب التغيير و حتى ما تيبس بطونهم

أما حقين الشارع ارش لهم شوية من الحبوب الجافة كل عصر برضه يفرحون بها لان بها نكهة دجاج