|
يا جماعة الخير اللي جرب مثل اعراضي يفيدني ؟
السلام عليكم جميعاً
في البدايه كان عندي نوبات هلع
بدأت معي في ايام المراهقه وعمري وقتها 14 سنه
هلع وضيق تنفس وبرود أطراف ونفضه في الجسم
وكأني بموت واقعد اخاف وأغير مكاني وأدور في البيت
وأتعوذ من الشيطان واسمي بالله ربع ساعه وأهدأ
المهم قبل 10 شهور رجعت النوبه وكانت قويه قويه جداً
وأعراضها كالسابق بعدها بنصف ساعه ذهبت للمستوصف
السكر 120 سليم والضغط 135 سليم والحراره 37 طبيعية
ما صدقت أبد ، خذيت حبه للدوخه ونمت وفي الليل جاني
وسواس الموت وجنن عيشتي بعدها بأقل من شهر
جاني قلق فظيع جداً لدرجة اني أتحرك ما اقدر اقعد
بعدها بأسبوع اسودت الدنيا بوجهي وخوف وتغير في كل شي
وآخر شي وسواس الموت
علاجي سيروكسات سي آر 25 مل لي 7 شهور ونصف
3 شهور ونصف حبه كامله وبعدها خفضت الجرعه
الى 12.5 مل من تلقاء نفسي
فيه تحسن من ناحية الاكتئاب
والسوداويه خفت بكثير لكن بعد تخفيض الجرعه
رجعت اغلب الأعراض ومن ضمنها القلق و وسواس الموت
وش الحل يا جماعة الخير ؟
هل الأعراض هذي من تخفيض الجرعه ؟
وماهى العلاج المناسب لي ؟
|