نفساني - عرض مشاركة واحدة

29-11-2017, 11:18 AM

صباح الخير يا حبووووايبي

يا رب انكم بخير و صابرين و متقوين و متقهوين

حاب أقولكم شي و ما خلاني أقوله إلا من محبتي لكم و هي فايدة لي و لكم

خصوصا اللي يفكر بالماضي و ماضيه حزين و اللي يفكر بالمستقبل و مستقبله مسدود و عايش بالحاضر يستجر هذين الشيئين اللي هم الماضي الحزين و المستقبل المسدود

و النتيجه لحظته اللي عايشها أكيد ما راح يستمتع فيها

و أنت ياللي تحس بالملل من لحظتك تعال لأن الفايده تهمك كثير

و أنت اللي عايش بالطوشه و ما تدري وين موقعك من الإعراب و كلنا هذا حاله اممم طيب يمكن البعض أشوى ههههه ما يهم المهم ان كلنا بنعاني من إضطراب في الشخصيه و كلن و شخصيته

الزبدة

تقول الفايده :

للتغلب على الملل
عليك تقبل ما يأتي إليك
و إحذر من الأمل
لا تتوقع أي شي و إحتفل بكل لحظة .

يعني عيش اللحظة فقط تقولي ما قدرت حاول مرة و مرتين و ثلاث و لا تلتفت للماضي و المستقبل

و لا تتوقع أي شي و إضحك و الله العظيم كذا عشان تعيش لحظتك

إحذر من الأمل

هذي خلوها لي أما أنتم بكيفكم

أنا خلاص ما راح أحط في بالي أمل إني راح أشفى
عقلي مضطرب
مشاعري مضطربة
مزاجي مضطرب

مع هذا ما راح أستسلم و عندي أمل أعيش اللحظة اللي أزاولها فقط

أما الماضي ليش أفكر فيه حتى لو كان حلو لأن هذا راح يجرني للتفكير للمصايب و المتاعب

صح عندي ماضي حلو لكن بعد عندي ماضي مر و متعب و أنا أمثل هذي الإزداوجيه مثل ( لوحة ) تنظر إليها فتقول هي ك ( الجنة ) ما شاء الله تبارك الله و تسأل عن راسمها فيقولون لك هي ( النار ) رسمتها !!!

ما أبغى أطول عليكم في الكلام و إلا في الصدر كلام كثير ما أقدر أعبر عنه
و ما ودي أعتمد المشاركة الا بعد ما أفهمها لكل شخص منكم على صيغته اللي يفهمها

المستعان ربي و كفى