نفساني - عرض مشاركة واحدة

27-12-2017, 01:51 AM

هلا ابو نجلا

تدري سبحان الله هذا اسبوع الفجعات

قبل غياب جواهر بيوم يارب يردها بالسلامة و يطمن قلبي عليها فقدت قط صغير من قطط الحوش الجدد

انقذته هو و امه و اخته يوم المطر قبل شهر و نص

امه من الامهات الفاغرات اللي ما يحسنن التصرف لاني قعدت اراقبها بيوم المطر من الشباك تحوم

محتارة هي و عيالها الصغار بنص الشارع ما تدري وين تروح و المطر يهل بدال ما تختبئ في

اقرب جحر

و ربي يلهمني انزل لها و ألقطها هي و عيالها و ادخلهم داخل البيت

سبحان الله استسلمت لي وقتها مع انها من القطط الغير اليفة و ما تحب اللمس

تخاف مرة لكن عيالها الصغار عودتهم علي من يوم اقبل عليهم يتسلقوني

المهم قبل غياب جواهر بيوم و انا جالسة على درج الحوش من داخل البيت اخذت

تشد طرف ثوبي على غير عادتها مع انها ما تقرب من جنس مخلوق

انا اعتقدت انها فكت شوي و تلاعبني و يوم كررت نفس الحركة تذكرت ان ولدها مختفي

من البارح ما شفته و اقوم ألقط عباتي و انادي اخوي و هي تسبقنا على باب الشارع

سبحان الله

لو اوصف المشهد اللي يدمي القلوب قبل العيون يفكر اني أبالغ

انا شخصيا لو احد وصف لي المشهد اقول يبالغ

راح اشرح اللي شفت بالتفصيل سبحان الله

سبقتنا للشارع و تلف يمين و تلف يسار

و كل ما قربت من بيت او مجموعة سيارات مصفوفة اخذت تماوي كأنها تناديه لدرجة

بكيت حتى ما صرت اشوف الطريق من ضباب دموعي و لساني ما توقف عن الدعاء

اننا نلقاه عشان الضعيفة المكلومة

و يوم يئسنا و جينا راجعين هي ما يئست ظلت ورانا لين رجعنا البيت و ما رجعت

و بعد ساعة جات و هو معها الحمدلله

و فوق ذا يقولون حيوانات

المفروض البشر يتعلمون الاحساس منهم

و يلوموني فيهم

شاطئ الراحة ,أبو نجلا معجبون بهذا