نفساني - عرض مشاركة واحدة

27-12-2017, 02:04 PM

اقتباس:

ايه والله يا ابو نجلا مالنا الا الصبر

لكن بيني وبينك تعودت خلاص

قبل كم اسبوع طرت براسي فكرة الزواج

وقلت لأمي بتزوج وبسكن تحت في البيت

فيه مجلسين كبير وصغير

الكبير بخليه جلسه مع مطبخ مفتوح

والصغير غرفة نوم

وفيه الله يكرم الملائكة ويكرمك والقارئين

دورة مياه ومغاسل خارجيه

يعني جناح صغير ومرتب في مدخل الرجال

وببني ملحق كبير في الحوش عشان الرجال والعزايم

المقصد من الفكره اني ابعد عن الايجار كبدايه

واسكن في بيت ملك لفترة بسيطه

حالي حال اكثر الشباب المتزوجين

قالت امي تزوج واطلع برا البيت لا تخرب مجالسنا

رح استاجر ودي تتزوج وتطلع اليوم قبل بكره

قلت طيب خلاص وراحت الفكره من اساسها

بالرغم ان اخوي الكبير متزوج وساكن في نفس

البيت جناح كامل ومستقل في الدور العلوي

وما ودها ان اخوي يطلع

وبالنسبه لي الامور عاديه جداً

الواحد لازم يشتري راحته

اما بخصوص البنك وما الى ذلك

ان شاء الله اخلصها بعضها اليوم

والباقي بكره .

ابو هذال هلا بك بالعكس سو اللي تبيه دامها تسلية مباحة تخفف عليك

كل واحد منا بداخله طفل ما يكبر لازم نلتفت له و نشوف طلباته بين الحين و الاخر

و الا نبي نموت كمد و غم

انا الى الان اتابع كرتون توم و جيري و العب مع الاطفال و احس ان عمري نفس عمرهم

و بالنسبة لاشغالك مثل ما قال ابو نجلا حاول بيوم واحد تقضيها كلها حتى تفتك منها و ترتاح

و بالنسبة لحلمك بالزواج و الاستقرار جدده و احييه و غذيه بالتخطيط و التفكير

فيه و انا أختك ترى مافي شي يمنعه ، كل الانجازات بدايتها فكرة

غير اني متفائلة انه يوم ربي يريد له التوفيق بإذن الله يبي يكون سبب

في علاجك و خروجك مما انت فيه و حبك للحياة

و فكرتك حلوة بالنسبة للسكن عند اهلك ، ما فيها شي و الظروف ما راح تستمر

لابد بيوم ان شاء الله يكون لك بيتك المستقل

استقرارك و اكمال نصف دينك اهم من الضيوف و كل الناس

غير ان الزواج الموفق السعيد يبي يكون علاج في مثل ذي الحالات

انا اتمنى ان احد اخواني يجي و يقول ابتزوج أفرش له رموشي أثاث و أخلي محاجر عيوني

سكن لاني أدري ان الزواج في مثل حالتهم علاج و ابي أطمئن عليهم مع ذريتهم اللي

يوقفون معهم

و أسأل الله الكريم لنا وياك التوفيق و لجميع المسلمين

اللهم آمين

أبو نجلا ,شاطئ الراحة معجبون بهذا