المشاركة الأصلية كتبت بواسطة عيون متفائلة

ابو هذال هلا بك بالعكس سو اللي تبيه دامها تسلية مباحة تخفف عليك

كل واحد منا بداخله طفل ما يكبر لازم نلتفت له و نشوف طلباته بين الحين و الاخر

و الا نبي نموت كمد و غم

انا الى الان اتابع كرتون توم و جيري و العب مع الاطفال و احس ان عمري نفس عمرهم




و بالنسبة لاشغالك مثل ما قال ابو نجلا حاول بيوم واحد تقضيها كلها حتى تفتك منها و ترتاح




و بالنسبة لحلمك بالزواج و الاستقرار جدده و احييه و غذيه بالتخطيط و التفكير

فيه و انا أختك ترى مافي شي يمنعه ، كل الانجازات بدايتها فكرة


غير اني متفائلة انه يوم ربي يريد له التوفيق بإذن الله يبي يكون سبب

في علاجك و خروجك مما انت فيه و حبك للحياة





و فكرتك حلوة بالنسبة للسكن عند اهلك ، ما فيها شي و الظروف ما راح تستمر

لابد بيوم ان شاء الله يكون لك بيتك المستقل


استقرارك و اكمال نصف دينك اهم من الضيوف و كل الناس



غير ان الزواج الموفق السعيد يبي يكون علاج في مثل ذي الحالات


انا اتمنى ان احد اخواني يجي و يقول ابتزوج أفرش له رموشي أثاث و أخلي محاجر عيوني

سكن لاني أدري ان الزواج في مثل حالتهم علاج و ابي أطمئن عليهم مع ذريتهم اللي

يوقفون معهم


و أسأل الله الكريم لنا وياك التوفيق و لجميع المسلمين

اللهم آمين