المشاركة الأصلية كتبت بواسطة البائس الفقير

وسأذكر لك قصة واقعية حدثت معي أنا شخصيا وباختصار شديد
قبل ثلاث سنوات او اربع تقريبا كان لي قريب من أقاربي يعاني من نوبات الهلع
وكان له فترة طويلة وهو يعاني منها
المهم وفي يوم من الايام صادف وان تقابلت انا وهو لوحدنا مع بعض وجلسنا ناخذ ونعطي في السوالف
المهم وصارحني بأنه يعاني من حالة غريبة ورحت يوقول المستشفى قسم الطواري عشان يكشفون علي واطلع سليم ويقول رحت ايضا عند شيخ وسألته وقالي انت تعاني من عين حسودة صابتك ولازم تداوم على الرقية الشرعية وتجيني بين كل فترة وفترة اقرأ عليك!!
طبعا القرآن معروف انه شفاء لما في الصدور ولكن ليس بالطريقة الاستغلالية التي يستغلها بعض الرقاة للكسب المادي
ويكفي اي شخص انه يعالج نفسه بذكر الله ولا يحتاج لرقاة ولا غيرهم ولامانع ايضا ان الانسان يذهب للرقاة ولكن فليذهب الى رقاة مشهود لهم بالتزكية ولا يبحثون عن المادة
المهم وسألته قلتله من ايش تعاني بالضبط وش تحس فيه؟!
قالي احس قلبي يدق بسرعة شديدة جدا واحس باختناق وخوف شديد وغثيان واعراض الهلع المعروفة
يوم قالي كذا والله اني ضحكت من قلبي وقالبي وقالي وش فيك تضحك واستغرب مني يحسبني اضحك عليه !!
قلت والله اني اضحك من حالتك وعلى من ضحك عليك وقالك ان فيك عين انت مافيك شي اصلا
رد وقالي طيب وهذي الاعراض اللي تجيني وش سببها؟!
قلتله هذي يا حبيبي نوبات هلع وانت مافيك اي مرض عضوي ولا فيك اي شي ولا عين ولا مس ولا سحر هذي اللي فيك مجرد حالة نفسية عابرة وانت تفاعلت معها باستجابة للافكار السلبية الموجودة في عقلك الباطن ما سبب لك في تفاقم لهذه الحالة
المهم ومن بعد ذاك اليوم فارقته ولا ادري وش صار عليه هل هو باقي على نفس حاله ام لا