نفساني - عرض مشاركة واحدة

11-01-2018, 12:19 AM

اقتباس:

بسمه و الله عارف ان وضعكم فيه مالله به عليم لكن امممممم لكن إيش .. إيه هاوشي هذولاك اللي من غير أشقائك عند القاضي أحس حقكم مهضوم و الا لا

دراهم الوالد الله يرحمه و يجعل قبرة روضة من رياض الفردوس الأعلى من الجنة

اي دراهم و حقوق هم هاضمينها صح و الا لا

مع اني ما أحب أدخل بالخصوصيات بس وضعك بما إنك معيل البيت و ربها و ضروفكم صعبة هذا اللي خلتني أجيب هالسيرة

مافي فايدة عذرهم ان ما لقوا مشتري

ست سنوات ما لقوا ؟

يوم كانت اسعار العقار مرتفعة ما رضوا يبيعون بحجة ان يبون سعر أعلى لان فيه منهم بجانب وظايفهم

يشتغلون مسوقيين عقاريين ، و تعاملوا مع الورث كتجارة مو مسارعة لتوزيع الحقوق

و الحين يوم طاحت اسعار العقار و رخص قالوا كيف نبيع برخيص ، رفضوا يبيعون لان نظرتهم نظرة

مسوق عقاري الله حسيبهم

و حنا اللي رحنا فيها ، لان كل واحد فيهم عايش بملكه ، هم موظفين بوظايف ماهي بسيطة من زمان

ماشاء الله و ما هم مستعجلين على البيع لانهم مو بحاجتهم

تخيل عمارة كاملة بالطايف كل واحد فيهم حاجز له شقة يصيف فيها هو و عايلته

انا ما غبني غير يوم طلعونا من منزل الوالد الله يرحمه بحجة بيعه لانه بزعمهم حق ورثة و لازم ينباع

و كأن الوالد ما ترك غيره ؟ و بالنهاية أجروه لعمالة صومالية بمبلغ زهيد جدا يقسموه على الجميع

حتى ما استحوا و قالوا خلينا نعطيهم الايجار كامل دام ورطونا بالايجار و هم ما هم بحاجته اصلا

و صاروا يقسمونه على الجميع حتى اربعمية ريال شهريا ما وصل

و المحاكم صعب نقاضيهم او تحس اننا مربوطين مدري وش اقول

تحس وضعنا كلنا غريب انواع التأخر في الصحة و الرزق انا و الوالدة و اخواني الاثنين

مريض الفصام اللي مو داري عن شي و هذا المتاخر ذهنيا الله يعافينا و يعافي المسلمين