المشاركة الأصلية كتبت بواسطة أبو نجلا

السلام عليكم و رحمة الله و بركاته

يا هلا فيكم

مالنا الا نحمد الله و نشكره يا بو علي جزيت خيرا و بورك فيك ..
قبل شوي كلمني واحد من الربع في الديوانيه و الا و الله ما بغيت أجيهم بغيت آكل علاجي و أنام و قعدت أهوجس من ناحية النوم و من نواحي أخرى

تسولفت مع بعضهم سوالف أخف من الخفيفه و كانوا ستة أشخاص كانوا موجهين القناة على المباراة ثم فتحت المنتدى
ثم رحت من عندهم و جيتكم و حاليا بالمجلس مع أخ يلعب بلايستيشن - الأخ هذا الذي أجريت له العمليه برجله - طلع من حول أسبوع و أموره ان شا الله تمام


قبلها أرسلني الوالد أقضي مقاضي البيتين بيت أمي و بيت العمه فرحت و زعلت قلت ايه الوالد مخليني زي السواق و تعوذت من الشر و اليوم سالفة تدور براسي فكرة الزوج و الولد و ضيقت صدري بيدي بالحيل خلها على الله بس


اللي بعمري عاد تحته عيال و أنا خلني أتعوذ من إبليس
مالي الا أدعم شهادتي الجامعيه بشهادة حاسب و أشوف لعمري ان زانت و الا يا عسى الله يآجرني بمصيبتي و يخلف لي خيرا منها

سالفة ان الوالد مخليني زي السواق عساها من باب البر و الا و الله ودي أخدمه و ان أكون له عين فراش و عين لحاف لكن وش نسوي بالأحوال المستعان ربي و بس مرة مزاج طايح مرة مشكلة

تجيني أفكار ليش حياتي ما تقوم الا بأدويه ليش كانت حياتي
بدون أدويه معفوسه و هي للحين أصلا معفوسه ان تعالجت و ان ما تعالجت مالنا الا ندغفها الحظ ماهو لهناك زين بس نقول عساها تزين للكل يا رب
يا رب تحلو أيامك يا بو علي و ييسر لك كل سرور و يباعد عنك كل ضيم
و يقويك و ينصرك

هلا أبو عبدالرحمن يا عسى عمرك ينمحى منه المر و تعيش بالمسرات دوم يا رب دوم

هلا شاطي الراحه هلا فيك هلا بصامده رغم المحن هلا بخالد و بلميا الموفقه دنيا و آخرة و كلكم يا رب موفقين

هلا بالبسمه و بالياسمين

عساها خيره يا بسمه مالك الا تنطرين السنه المقبله و أنتي بأحسن و ربعك بأحسن حال

هلا أبو هذال أخبارك يا رب تمام
ماأقول الا الله يقويك و ينصرك يالغالي

عساكم من سرور إلى سرور و يبعد الله عنا و عنكم كل ما يشوب صفو الحياة