نفساني - عرض مشاركة واحدة

25-01-2018, 07:27 PM

السلام عليكم
انا اعاني من الوسواس من 9 سنوات
يخف و يرجع ومن سنه مرضت في معدتي وسويت كل الفحوصات و دكتور الباطنيه قال لي هذا العصب الحائر اهدي و يهدا معاج لكن ظروف الشغل مخلاني على طول في توتر و شغلي متعب شوي و انا من توظفت من سنه تعبت المعده معاي و الوسواس مع الشغل رجع اقوى و صار مثل الحديث المتواصل في راسي يعني ممكن اكون اشوف عيالي و لكن في كلام في راسي يدور كلام مخيف و اصير اخاف و اضرب راسي مرات من الكلام و الخوف او اركض اي مكان بعيد عن اي عيون فالبيت اذا بدت الافكار براسي
و عندي خوف دايم من المجهول
خلال اسبوعين من مرضي نزلت قريب العشر كيلو و ماعجبني تفسير الدكتور يعني قلت مستحيل بس نفسيه الموضوع و بعد فتره شفت اشيا غريبه عندي اتجهت للرقيه و سبحان الله كنت اعاني من سحر و تعالجت و لله الحمد لمده سبع شهور متواصله بالرقيه و القراءه وتحسنت حالتي و بعد فتره صار ظروف مرض الوالده الله يحفظها و مع الضغوط النفسيه اني اشوف امي بهالوضع و التعب رجعت لي كل الاعراض و بعد انتهاء علاج الوالده شهر و عودتي للعمل رجع لي الوسواس و زياده كل فتره اتجيني رجفه جسمي كامل يرجف و يقولي زوجي شوفيج اقوله بطني و خايفه ماعرف من شو و جسمي يتم يرجف فتره لين انام و اهدى و ثاني يوم اصحى و تكون ضيقه فيني و هالحاله الاسبوع الماض و قبلها باسبوعين مريت فيها الرجفه لمدة طويله
سويت فحوصات الجرثومه و تصوير و الحمدلله مافي شي رجع قالي النفسيه تعبانه الظاهر و مع الضغوط رجعلج الالم و زادت الحموضه و هذا التعب

بس انا استغربت الارتجاف هل الوسواس و الخوف يسبب رجفة الجسم القويه بصراحه ألف شي و شي يدور براسي و رحت للشيخ و قلتله تعبت و قرأ و مافي شي قالي مافيج شي هذا وسواس لان حاليا مافي نفس قبل ردود افعال فالسابق يغمى علي وقت العلاج و الحمدلله تخلصتي من كل اللي كان ضارج و حاليا انتي مافيج شي

اسمحلي طولت بوصف حالتي بس اول مره اتجرأ اكتب قصتي في مكان او منتدى دائما اقرا من المنتديات و لكن انا كتبت بعد ماقرات تقريبا عشر صفحات من هذا الموضوع و يمكن ترددت ميه مره خلال هالنص الساعه اني اكتب

الاعراض اللي اصاب فيها
مغص دائما في اعلى المعده نغزات في كل مكان

صداع متنقل في راسي و الام غريبه مثل الشد

انا متوتره على طول يعني مافيني صبر و على طول على اعصابي و خايفه فالدوام مضغوووطه يعني ممكن يطلبون شي و يحتاج يخلص بسرعه و طبعا حاليا افكر بالاستقاله لهذا السبب لاني من النوع اللي لازم الشغل يكون كامل و مكتمل حتى لو ماستعجلوني احب يكون كل شي متكامل و بدون نقصان لاني ماحب احد يحرجني بشي و علما اني متوظفه بوظيفه اقل من شهادتي

عندي اولاد و الحمدلله و لكن اخاف دائما عليهم و على طول متوترة معاهم و على اعصابي

عندي وسواس من المرض
سويت فحوصات للقلب و للغده و الباطنيه كامله و كل فتره لازم اروح المستشفى اسوي فحوصات و اذا حد يمرض عندي خلاص تبدا حاله الخوف عندي و التوتر

و عندي خمول بالغده بدت من خمس شهور فقط

و شكرا على وقتك انك تقرا قصتي

انا قريت اغلب نصايحك و احاول اطبقهم مثل تمارين الاسترخاء و التفكير

و الله يقدرني اتخلص من الوسواس باسرع وقت لاني مليت هذا الوضع انا حتى البيت ماحب اطلع منه من الدوام للبيت فقط مع اني ساكنه في بيت اهلي بس ملحق خارجي لكن احب اقعد في قسمي بروحي و اذا حد بيقعد عندي اصرفه باي طريقه اخاف ماحب نتجمع او نقعد و نسهر نفس الناس ماعرف من شو بس خوف

وزوجي رافض فكرة اني اخذ اي حبوب نفسيه و بصراحه انا اعرف نفسي اني مستحيل اخذ اي حبوب لان حبوب الدوا اخاف اخذها مثل البندول او حبوب الحموضه الي وصفها الدكتور

حابه حد يساعدني و اتخلص من الوسواس