المشاركة الأصلية كتبت بواسطة بن دايم

هلا اخوي مصلح
لي الشرف دايم وانا اخوك اني اساعدك والاخوان
وبالعكس اي شي تحتاجه او يحتاجه الاخوان ماراح اتردد في خدمتكم نهائيا
طبعا انا يمكن اكثر واحد حاس فيك لان الاحساس بالنبض الطبيعي يوتر ويقلق جدا جدا
انا رحت لبروفيسور وشرحت له وقلت له انا اقدر احسب النبض وانا اكلمك سويت جميع الفحوصات اللي تخطر في بالك
تدري وش الغريب في الموضوع وأكد لي السبب ؟
اني يوم عرضت نفسي عند دكتور نفسي وقال لي ان القلق العالي اللي عندك هو السبب صرف لي مضاد اكتئاب ومهدئ
اخوي قال لي كل مهدئ لحاله شف الحاله تروح او لا
تخيل لما كلت المهدئ ارتحت تماما تماما
وقررت ااخذ العلاج وانا هذي الحاله جتني بعد اول نوبة هلع جاني بعدها التهاب عام في الباطنيه والقولون يمين بالله بطني ينبض وكل شي حسيت ان جسمي في حالة طوارئ
وللعلم ترا الجرثومه تأثر في النفسيه لكن عيبها ان علاجها قوي جدا جدا ولازم تستحله علشان ترتاح منها
فلذلك انا انصحك اولا عالج الجرثومه مهما كانت الطريقه لانها تسبب لك قرحه وتعبك اكثر انا مااخوفك انا لازم انور لك الطريق
بعد ماتعالجها اذا مازالت الحاله هذا معناه ان عندك قلق فوق الطبيعي واسمه القلق النفسي ولازم علاج
سؤالي لك :
كم العمر ؟
تدخن ؟
من وين ؟
عندك ضغوط ماديه او عاطفيه او عائليه ؟
من متى المشكله؟