نفساني - عرض مشاركة واحدة - ودي اوقف السيروكسات بس خايف وشوفي وش صار معي خلال تركي له يوم شي حلو

18-02-2018, 10:23 PM

كل الشكر لكم اخواني ع الردود ومنتضر تجاربكم اكثر واكثر
اخوي زمالك ياحبي
انا قبل سنه بالصيف وانا اكره الصيف وانا من السعودية من منطقه القصيم الصيف قوي اعرق كثير اتنرفز ع طول احس بارهاق بالصيف احب الشتاء والصيف مااحب اطلع كثير من المكيف المهم اني مره طالع من صلاه الجمعه الجو حار بقووه كانت بجنبي شاحنه شكمانها يطلع ريحه بنزين او حاجه زي الكربون المهم اني حسيت باختناق وحراره داخليه والمصيبه ان الاشاره حمراء وقدامي سيارات م اقدر امشي بغيت انزل ع رجولي واترك السياره ع الاقل ابعد عن الريحه والحمدلله اشتغلت الاشاره ووقفت ع جنب بعيد عنها دقيت ع اخوي وبكيت وجاء اخذني
واليوم بعد المغرب عندي شغل رحت خلصته اموري طيبه ورايق المهم اني احتجت اراسل بالواتس وقفت من سوء الحظ بجنب ورش تبع النجاره والحديد وغيرها وكان فيه ريحه غراء او صمغ الباتكس قويه جداً جاني اختناق وصداع ع طول وحراره داخليه جلست اتشهد وحركت بسرعه وفتحت القزاز كله ابي هواء والحمدلله راحت بس دقيت ع اخوي ابكي وقلت خلك معي ع الجوال لين اوصل البيت
انا مدري وش هذا الاحساس هل هو هلع مختلط مع جرثومه معده او انتفاخ البطن غازات لاني اذا اكلت اي شي انتفخ بطني وكنت توي اكل شاورما لاني كنت جوعان
والمصيبه اني حتى لو جوعان وشميت ريحه بنزين انكتم واحس باالاعراض اللي ذكرت ابي تفاصيل موسعه وش اللي معي امانه ساعدوني انتضر ردودكم جميع خصوصاً اخوي زمالك ياحبي وبسجل كل كلامك بورقه وبمشي عليه خصوصاً كيفية ايقاف السيروكسات طبعاً بعد مااقول ل دكتوري