المشاركة الأصلية كتبت بواسطة زمالك يا حبي

بص يا باشا قبل صرف الادويه النفسيه بيتم اتباع اسس
اولها بيعطيك مهديء بسيط لفتره لا تقل عن اسبوع على الاقل لتهدئه الاعراض الفسيولوجيه كلها وتكون حالتك اكثر تركييز وبعدها يتم قطع المهديء ونشوف وضعك
اذا عادت الاعراض بيتم تشخيصك حسب حالتك لو بتعاني من الهلع هيبدأ الدكتور يسالك النوبه بتجيلك كل قد ايه والاعراض اللي بتحصل ايه
اعراضها كتير ولكن الملاحظ والمعتاد من اعراض الهلع
دقات قلب سريعه احساس بالخوف الشديد
ضيق في التنفس احساس انك هتموت خلاص
لكن كل دي اعراض فسيولوجيه مش هتضر الجسم
ما علينا
الدكتور لما يسمع منك الاعراض وفتره التكرار هيبدأ يحط لك الروشته العلاجيه الصحيحه حسب الحاله وتبدأ معاه تدريجيا دون اهمال اي تفاصيل
فلا تخف نهائي من الدواء وكل بني ادم يقولك الدواء غلط وضرر وافلام والنشره والاثار الجانبيه والبطيخ ده ما تسمعلوش اذا كنت تعبان ومش قادر تتخلص من الحاله عليك بالدواء هيريحك ويخلصك من المشاكل دي كلها ولازم تعرف ان كل جسم له قابليه معينه للعلاج يعني ممكن ينفع معاك علاج معين وما ينفعش مع غيرك لاسباب جينيه بحته
واصبر على العلاج لأن التحسن مش يوم وليله ولا اسبوع التحسن اقله شهر ونص الي شهرين حتي اربع شهور
فتره الحكم على الدواء
بانتظار زيارتك لطبيب