المشاركة الأصلية كتبت بواسطة وشـم*

وعليكم السلام ..
خلي الدوا اخر شي تفكرين فيييييه
اول شي سوي تحليل للغده الدرقيه عندك لان اضطراب الغده يسبب اكتئاب ومهما سويتي دايت ورياضه الوزن ماينقص بسبب هالاضطراب ، ثاني شي الكل مر في هالحاله وانا أولهم مر علي
شهريييين عشت فيهم مشاعر غريبه ماقدر حتى اعبر عنها لدرجة
انو رجولي ترجف لحالها من قوة الاكتئاب والقلق اللي عندي والخوف اللي ماله مبرر ، ما اطلع من البيت تركت وظيفتي ، ماحضرت مناسبات مهمه كان لازم احضرها ، بس كل هالمشاعر
صارت تخف بالتدريج صرت احاول احقر الافكار اللي تسبب لي هالمشاعر والاكتئاب ، صرت لما اصحى من نومي اقول اليوم انا بكون مبسوطه وماراح ارد على اي شعور سلبي .. صرت كل يوم اصلي الوتر واقرأ كم صفحه من سورة البقره وحافظت على الأذكار يوميا الصباح والمساء وأذكار النوم وآيات السكينه واردد بكل صلاة " اللهم ياولي نعمتي وياملاذي عند كربتي اجعل ما اخافه واحذره بردا وسلاما علي كما جعلت النار بردا وسلاما على ابراهيم " وصرت اسوي تمارين الاسترخاء كل يوم الصباح ودخلت نادي وصرت اسوي رياضه والحمدلله لي تقريبا اربع ايام احس اني رجعت طبيعيه ، وحطي براسك شغله ان ربي مايبتلي شخص بشي فوق طاقته ابدا ربي عارف انك بتتحملين هالشي وبتصبرين وكله بأجر وبتعدينه ، وبرضو اعرفي ان كل شي مصيره بيتغير حتى هالمشاعر السيئه بيجي يوم وتضحكين عليها وعلى سخافتها وتقولين شلون كنت افكر كذا .. عشان كذا وسعي صدرك وتأكدي انو هالشعور السيء بينتهي بإذن الله قريبا ، وماتشوفين شر يارب