نفساني - عرض مشاركة واحدة

13-03-2018, 03:35 PM

ابو تركي ومتأرجح وبن دايم والحائر و زمالك نورتوني بمشاركتكم .. صحيح ابو تركي هو خلل في كيمياء المخ لكني اخترت طريق غير الادويه لاني مثل ماقلت في بداية انضمامي للمنتدى اني اعيش لوحدي واخاف من دخول معمعة الادويه ..الحائر بالفعل يعتمد على الدكتور .. وانسانيته وانا الحمدلله ربي سخر لي دكتور طويل بال وانسان واقدر اقول تجاوزت مخاوف كانت في بدايته مرعبه ..بن دايم صحيح الجلسات اسبوعيه واسعارها نوعا ما مرتفعه لكن وش نسوي الله يرفع عما وعنكم يارب ويبشرنا بالسكينه وراحة البال .
زمالك راح اعرض تجربتي باختصار في البدايه لما شعرت بالنوبات رحت لدكتور نفسي ويمكن يعتبر الاشهر بالمنطقه اللي اسكن فيها قعد معاي ساعه وقالي تعاني من الهلع وعطاني سيبرالكس وخفت لان من اعراضه ايذاء النفس وانا عمري ما استخدمت ادويه المهم اتصلت على عيادته ابغى اطرح عليه سؤال وهو ايش اعمل لو داهتمني اعراض قالت لي السكرتيره يقولك اعطيني سؤالك وانا اوصله له للامانه تضايقت جدا وقلت لها كيف انتو عياده نفسيه وكيف اي شخص ممكن يطلع على اسرار المرضى شكرا لك وقفلت الخط ورجعت ابحث من جديد عن طبيب نفسي ولقيت مركز نفسي وحجزت عند الدكتور وكان الموعد بعيد شوي ومره جاني ضيق وحالة بكاء وقلت لهم ابغى اي دكتور بالمركز مو شرط الاشهر قالو لي تعالي ورحت وكانت طبيبه حنونه جدا وتكلمت معاها ساعه كامله وقالت انتي حاجزه عند الطبيب الفلاني قلت نعم قالت افضل تراجعيه لانه افضل مني وله رؤيه مختلفه وانتظرت الموعد ورحت .. كانت جلسه رائعه ساعتين كان مستمع رائع كان يوجه اسئله عميقه من الطفوله وانا اتكلم واتكلم ومن اول جلسه قال ما اقدر احد اذا اللي عندك هلع وسبب لك اكتئاب او اكتئاب وذيوله هلع .. المهم قال لاتخذي سيبرالكس ولا غيره لحد مانكتشف البؤره النفسيه اللي سببت هالشي وعطاني موعد بعد اسبوع وكان مجهز لي ورقه فيها اسئله تتعدى الخمسين سؤال واجاباتها نعم او لا .. جاوبتها كلها وطبعا من الاسبوع الاول اعطاني ورقه مطبوع فيها اربعة اشياء .١ _ التنفس البطني ٢_ الشد العضلي والاسترخاء . وطريقتين اخرى بالاسترخاء قال تختاري اللي يناسبك ويريحك وبالفعل عجبتني طريقتين زالباقي ماعملتهم .. اضافة الى مشي باليوم ٢٠ دقيقه مع حمل صاة او ورقة شجره وتركيز الافكار على تفاصيل الشي اللي بيدي .. بداية المشي كنت اتعب واخاف واخس بدوخه وبالموعد الاول قلت له عن الدوخه قال طنشي وزيدي المشي الى ٣٠ دقيقه .. المهم في الزياره الثالثه حسيت بتحسن ٢٠ بالميه قال انتي مشكلتك الاساسيه الاكتئاب المقنع وراح يكون علاجنا سلوكي قلت اوكي .. عملت ثمان جلسات ولله الحمد افضل بكثير اختفى عندي الخوف من الموت الى حد كبير والاعراض الجسديه من هلع ووسواس واقكار سلبيه بدت تخف كثير .. ملاحظه : قالي الدكتور اذا تحسنتي لاتخافي لو باغتتك نوبه لان ذيول الحالات النفسيه ماتختفي بسسهوله .. هذا وانا بقول باختصار 🤣 يتبع