المشاركة الأصلية كتبت بواسطة غيمه مطر

صَراحه الأمر مهم ليا في الوزن لو كانت الزياده كبيره وَ صعب التحكم فيها
ممكن لأني من فتره المراهقه وأنا أحاول أتحكم في وزني ومن فتره كنت بَ أعاني من إكتئاب
تقريبا 7 سنين وزاد وزني فما كنت مبسوطه وبعدها زياده الحمل وَ بعد نوبه الهلع زاد الدبرشن
وَ صرت بَ أفرغ دا الشيء في الأكل وإلى الآن ليا 5 أيام بَ أخذ السبرالكس
الشهيه أخف من أول فيه خوف من الوزن
بس فيه تعود أني أكل بَ دا الشكل فَ أحس إني محتاجه شويه سيطره
وكمان كلام بعض الأعضاء كان جدا محبط
من دي الناحيه الأغلب بيقولو فيه زياده وزن رهيبه بس
من غير ما يوضحو هل كان في رياضه هل فيه تنظيم أكل
بس يرمو الكلام على الدواء ويفجعون اللي لسى حَ يستخدمه
من غير توضيحات !
رغم إني لمن كلمت الدكتوره قالت لي هوا بس لمن يخف الإكتئاب
بتنفتح الشهيه فَ هذا ممكن اللي بيزود الوزن
< طيب أنا شهيتي مفتوحه من الإكتئاب حتنفتح زياده يا خراشي !!!
بس أعطتني أمل لمن قالت أنو مو الدواء هوا السبب كمان الأخت منو القحطاني زودت الأمل
أنو ما حَ يزود في الوزن ..

فَ لمن تقول هل الأهم الوزن أم الحياه الطبيعيه أنا أشوفها مكمله لبعض
لأن زياده الوزن بالنسبه ليا حَ تخليني أقفل على نفسي ولا أطلع من البيت
أكثر مما أنا مقفله على نفسي عَ الأقل دحين
أقابل بعض الأهل مره في الأسبوع ..





فعلا لمن أروح لمكان الحمام قريب أحس الموضوع ما يضايقني لكن بمجرد أركب السياره أنرعب
خاصه لو مشوار لمكان ما أعرفه ‘ لدرجه مرات لو زوجي قال حنروح مكان معين
أقعد أدور في النت على أمل أعرف فيه حمامات ولا لا
وغالبا أكنسل ولا أروح ,
وكمان قبل أي مشوار يحصل ليي أنهيار في القولون ممكن أقعد نص ساعه في الحمام
رغم أنو ممكن أكون قبلها يومين تقريبا وأنا عندي إمساك
ولا أدخل الحمام وأنا في البيت !


أسعدني مرورك أخ ماندوزا وأعتقد أني قريت موضوع شفائك كامل أمس في المنتدى * أن شاء الله ما أكون ملخبطه
أتمنى لك راحه البال و السعاده