المشاركة الأصلية كتبت بواسطة قطرات الندا

حبيبتي غيمه مطر ربي يقدرني اريحك .. من اليوم تدربي على تمارين التنفس العميق البطني .. تلاقين في اليوتيوب اكتبي تمرين التنفس البطني هذا اولا .. من اعراض نوبات الهلع سرعة نبضات القلب والتنفس الصحيح يهدي النبض ..ومن اعراض الهلع كمان الكتمه وضيق التنفس حطي ايديك الثنتين على فمك كأنك بتكحين وتنفسي شهيق وزفير بحيث تاخذين كفايتك من ثاني اوكسيد الكربون لان الجسم متشبع بالاوكسيجين بسبب محاولة الشخص ياخذ نفس عميق .. مهما كانت قوة نوبة الهلع تأكدي انها راح تاخذ دقايق وتنتهي وانتي دورك كسر النوبه بالاطمئنان وحوارك مع نفسك سواء بصوت مسموع او بداخلك قولي ادري انها نوبه وراح تنتهي وماراح استسلم اعملي توكيدات لنفسك قولي انا بخير انا مافيني شي خطير هذي مجرد نوبة هلع وراح تروح .. طبعا قبل كل هذا الثقه والتوكل على الله قولي يارب كن معي وساعدني .. شتتي افكارك وابعديها عن مراقبة جسدك .. خذي معك بالطريق كتاب تلوين او الغاز تلاقينهم بجرير ..لاتستهوني بالحلول البسيطه ترى تأثيرها جدا رائع .. سفره سعيده وتوصلي بالسلامه