المشاركة الأصلية كتبت بواسطة زمالك يا حبي

بص يا باشا منعا للخبطه عشان امورك تمشي صح
لو انت عندك نوبات الهلع مش شرط يكون المعده او الجرثومه او الامور دي كلها سبب منطقي ليها
انا اصبت بنوبات الهلع بدون سابق انذار ولا عندي جرثومه ولا قولون ولا امراض من اي نوع ولا حتي عندي نزله برد
بالتالي ربط الهلع ببعض الامراض موضوع منفصل تماما لكن الانسان بيحاول يبحث عن سبب
الهلع بشكل عام بيخليك تمسك جسمك كله بالكامل وتدور على سبب مهما دورت وملقتش سبب مش هتهدي وتقول لا فيه مشكله
الهلع بحد ذاته والقلق هو لخبطه كيميائيه في النواقل العصبيه من الاخر خالص عشان ما تدورش كتير
اللخبطه دي محتاجه علاج عشان تتظبط
اما ربطها ببعض الامراض فهي من وحي خيال المريض بقي حتي لو اكتشفت ان عندك جرثومه او قولون او غيره بالتالي مالوش علاقه بالهلع

لكن هنقدر نقول ايه هنقول ان كل ما تزيد عندك حده الهلع او القلق القولون العصبي هيكون اكتر نشاط وقلق
وصلت الفكره
بالتالي انت محتاج تتعالج من اللخبطه الكيميائيه دي
وتذكر ان اعراض الهلع مهما اشتدت ومهما صار اللي فيها من الام ومواجع فهي لا تضر الجسم مطلقا
ولن تصيب الجسم بشيء ولن تتحول الى مرض عضوي مهما كانت فقط اجلس واترك النوبه والقلق والاعراض تفعل بجسمك ما تشاء ولا تتحرك فقط تنفس ببطء واسترخي وستري انها ستزول فهي مرحله وقتيه
ولكن العلاج يمنع تكرارها ويعالج الخلل حتي لا تتكرر هذه النوبات
ماذا تفعل وقت اصابتك بنزله البرد تلزم السرير وتتعالج والا تفضل تهرب وتجري من البيت
البرد اصعب من الهلع على فكره البرد اصابه فيروسيه قد تتحول الي اعراض كثيره تؤثر على الجسم
اما الهلع فهو مجرد اعراض فسيولوجيه كيميائيه تتوقف بالوقت وتكرارها يستلزم العلاج لاصلاح الخلل
فلا تخاف نهائي من نوبات الهلع
انا اصبت واتعالجت وخفيت وقطعت العلاج وكنت باخد سيروكسات سي ار 25 بجرعه 37.5 يوميا
ومش عايز اقولك بقي اني كنت ببكي ورايح جاي على المستشفيات
وكل شوية تحليل ورسم قلب ومتابعه ضغط ومواويل مالهاش اول من اخر ومتابعه لضربات القلب واهتمام بادق تفاصيل جسمي وغيرها من الامور
وفي النهايه كل ده مالوش ادني تأثير او اهميه فقط عالجت الهلع اختفت كل الاعراض المزعجه دي
وبس
فلا تقلق ابدا
اطمأن وواصل المسيره وخد العلاج وتابع معانا بالمنتدي ووافنا بأي تطورات