|
وسواس الخوف من الموت ووسواس علامات اقتراب الاجل والعياذ بالله
السلام عليكم ورحمة الله وبركاته
متأثرا بخبر وفاة خالي رحمه الله منذ يومين تراودني وساويس باني بموت قريب وخايف وايد والله واي شي اشوفه احس بداخلي انه من علامات اقتراب الموت والعياذ بالله ، اليوم رقدت عالظهر نشيت عقب صلاة العصر تغسلت وسرت المسيد وبعد موسوس وخايف ابا اقضي الصلاة الا والمسيد غالقينه فوسوست زيادة وقلت في داخلي علامة على قرب موتي والعياذ بالله استغفرالله العظيم والله يالني من احمق بس ماعرف شو اسوي على ابسط الاشياء او على اعظمها ابالغ في ردة فعلي تجاهها وهي اصلا ولا شي وهذا كله وهم ووسواس حتى اني تواصلت مع مشايخ المسايد وخبرتهم بسالفتي قالولي الشيطان ما يبغيك تعبد ربك وانت مرتاح وسعيد يبغي يشتت ذهنك حتى في عباداتك وانا 100% صدقت كلامهم وانه صحيح يعني استغفرالله العظيم اصلي وانا فاقد الامل واوسوس اثناء الصلاة باني بفارق احبابي او هم يفارقوني والعياذ بالله
استغفرالله العظيم
والله تعبت ماعرف اكل ولا اعرف اشرب ولا اعرف اضحك ولا اعرف اتفاءل ولا اعرف اكون ايجابي ومبتسم
استويت اخاف افارق امي واخواني وافارق كل اللي أعرفهم واكون بروحي ، استغفرالله العظيم من كل ذنب عظيم واعوذ بالله العظيم رب الناس من شر الوسواس الخناس
والله وختى استويت احس اني كسلان لدرجة اني ابا انام ومافيني قوة ابدا وكل مره اتجشأ احس بحموضه حاره في حلقي وقلبي كله يرجف والعياذ بالله
شالحل يا جماعه اشوف اشياء عادية طبيعية تستوي عادي بس ليش هاليومين بالذات احسها دلالات قرب موتي استغفرالله العظيم من كل ذنب عظيم هذا كله من الخوف اللي انا اعاني منه وامي نصحتني اني ما انصدم بس ما سمعت كلامها وهذا اللي استوى فيني
والله با جماعه معاناة داخليه خايسه لدرجة ان الواحد مايعرف وين يسير وشو يسوي ويفضفض لمنو....
انا لي فترة طويلة ما دشيت المنتدى واليوم رديت سبحان الله !
للعلم انا مقصر في الصلاة وما اقيم نفسي عبد صالح لله سبحانه وتعالى ولكن من ياني خبر وفاة خالي الله يرحمه داومت عالصلوات الا الفجر ان شاء الله بحافظ عليه
منو منكم مجرب وسواس علامات قرب الموت او وسواس الموت ؟
كتبت في قوقل ما طلعلي حد مجرب وسواس علامات قرب الموت اغلبيتهم مجربين وسواس الموت
أسأل الله العظيم رب العرش العظيم ان يشافينا ويعافينا جميعا عاجلا غير آجلا وأن يطيل بأعمارنا ويرزقنا العيش الطويل فهو سبحانه كتب لنا الآجال اي الاعمار الطويلة فأسأله باسمه الأعظم الذي إذا دعي به أجاب وإذا سئل به أعطى ان يبشرني وإياكم وإيا الجميع العمر الطويل والآجال الطويلة والرزق الكثير والوفير من حيث لا نحتسب ودوام الصحة والعافية والطمأنينة والراحة النفسية والأمن والأمان والسعادة والبهجة والسرور وأن يرزقنا رضاه ويحفظنا جميعا من كل شر ويرحم موتانا وموتى المسلمين ويبشرنا جميعا بجنة الفردوس الأعلى بدون حساب ولا سابق عذاب ويحسن خواتيمنا جميعا بعد أعمار طويلة وآجالا طويلة وسنين وأعوام طويلة فيها كل الخير والراحة لنا
آمين يارب العالمين
|