|
احس هذا سبب الوسواس اللي فيني
السلام عليكم
من زمان الاحظ اشياء فيني غريبه خصوصا مع القران والرقيه
واظن الوسواس بسببها
تخيلو اليوم طلعت مشوار بسيط وطبعا انا الحمدلله ما اسمع اغاني لكن انجبرت وقتها المهم كانت الاغاني بصوت عالي وصخب
تخيلو رجعت البيت مو طبيعيه راسي مصدع وكانه شي مشدود
والله يكرمكم استفرغت وعيوني تدمع .. احس باشياء مو طبيعيه براسي وقشعريره مستمره وكأن شي يتحرك فيه
لاتقولون اتوهم .. لا والله احسها
المهم وش تنصحوني فيه .. انا حالياً قاعده اجاهد نفسي اقرا سورة البقره .. الله يعين
بس سمعت بالصبخه وبأشياء ثانيه للوسواس
ومره سويت حجامه في راسي اقسم بالله انتكست حالتي
احس اغلب الوسواس بسبب روحي مو عضوي
انا احس اني موطبيعيه بإختصااااار
وصلت لمرحله اتوهم اني سويت اشياء وانا ما اذكر اني سويتها
بإختصار مريضه
صرت خلاص كل شوي اقول انا مريضه نفسيا
وكل يوم كل يوم اصحى على نبضات قلبي هلع خوف
كرهت النوم وصرت اكره الصباح
تعبت من نبضات قلبي دايم خايفه دااايم
مدري الى متى بقعد كذا
وتركت جامعتي معد ابغا ادرس
الله ياخذ الجامعه اهم شي صحتي
وصرت معد لي نفس شي
حتى لما آكل اجبر نفسي
بس اقسم بالله الشعور بالخوف عذاااااب عذاااااااب ماعمري تعذبت زي كذا ، الحمدلله على كل حال
المهم علموني انتو تمشون على جدول معين للعلاج؟
ووش اكثر شي نفع معاكم غير الحبوب
ادري كلامي ملخبط لكن كتبته مستعجله .
اللهم صل وسلم وبارك على نبينا محمد .
|