المشاركة الأصلية كتبت بواسطة عيون متفائلة

هذي سبحان الله أنثى الثعلب اللي ترضع صغار قرود البابون اللي ماتت أمهم

جاني على شكل مقطع كامل لكن نظرا لصعوبة تنزيل المقاطع اقتصيت صورة منه

سبحان الله واقفة متحملة تعب الرضاعة و تعب الوقوف ، ما قدرت ترضعهم منسدحة مثل يوم ترضع صغارها نظرا لضخامة القرود ماشاء الله


بالله وش مخليها تتحمل كل ذا غير الرحمة اللي نزعت من الكثير من البشر ، اللي حتى يوم يجرمون يجرمون عن وعي و ترصد و تخطيط قاتلهم الله و افناهم

ما نبي في مجتمعنا المسلم مجرمين انذال ، هؤلاء هم اللي يبون يطرحون علينا السخط و يمحقون بركة النعم

أمس منزلين هاشتاق بتويتر يطالبون بالقصاص من مجرم شرق الرياض تولج الكلاب و القطط بالقتل و التعذيب عديم الدين و المروءة و الكرامة حاط حيله بالضعوف لأنه ما قدر يحط حيله باللي اعتدوا على عرضه و كرامته يوم كان صغير

هذا غير تكروني جدة اللي مصورينه من كم يوم و هو يجرم بالقطط الضعيفة المشردة عند الحاوية

يارب أنهم ما يعجزونك

أسأل الله أن يقتص منهم و من كل مجرم لا يرقب في ضعيف إلا و لا ذمة

اللهم آمين