المشاركة الأصلية كتبت بواسطة زمالك يا حبي

يا باشا دي مش حاجه نادره دي بتحصل للكل واساسيه اي واحد مصاب بالهلع بيمر بنفس المشكله دي
وهي انه بيخاف يروح أماكن وييجي من اماكن وبتداهمه النوبه في اماكن وبيخاف يرجع لنفس الاماكن موال كبير يا ريس

ولكن انت لو كنت كملت طريقك وروحت المسجد ايه كان هيحصلك نوبه شديده من الخوف
طب وبعد النوبه الشديده من الخوف هيحصل ايه
ولا حاجه
تقدر تقولي انت هتمر بايه اكتر من اللي مريت بيه هتحس باعراض ايه اكتر من اللي حسيت بيه انت مريت بالاعراض خلاص وعرفت البير وغطاه وعرفت ايه اللي بيحصل فيها بالتالي مفيش جديد يعني مفيش اعراض تانيه هتقابلك او هتواجهك ولا هتأثر عليك لو معتقد اننا بنقولك كلام تطمين تبقي غلطان انا زيي زيك اصبت بالهلع واتعالجت وخفيت واستمريت في حياتي وبنقل تجربتي وخلاصه ما أقرأه وحتي يومنا هذا ما زلت أقرأ التجارب والابحاث والادويه والمقالات لزياده في العلم وأيضا لافاده الاخوه الذين يواجهون نفس المشكلات
ومهما كانت شده النوبه عليك مش هتعمل فيك حاجه طب تخيل كده انك تقعد في المسجد او الحديقه وجسمك كله خوف ورعب وانت بنفس الوقت ما تبدي اي حركه تستمر مثلا في لعب الموبايل لعبه زي من سيربح المليون
تخيل
تدريجي النوبه هتخف طول ما انت بتتجاهل واياك تتهاون في العلاج لانه هيصلح اللخبطه دي جدا

لكن كل ما انت بتخاف وتقوم ترجع كل ما النوبه بتستقوي عليك اكتر وبيصيبك تعود انك تهرب من اي موقف
بيقولك الشجاع بيقف في وش المدفع
وانت مش هتحتاج تقف اصلا في وش المدفع لأنك لو استمريت في طريقك والنوبه مبهدلاك وبتلعب في جسمك من دق قلب سريع واعراض صعبه لازم تعرف ان ده مسأله فسيولوجيه وغصب عنها هتقف بعد فتره من الوقت لأن الجسم مش هيفضل يعني يفرز هرمونات ادرينالين بلا توقف لازم يقف ويتوقف الضخ المسأله مسأله علاج دوائي أولا واستمرار في حياتك ثانيا

هتكسب كتيييييييييييييييييييييييييير جدا من انك تشق طريقك في الوجع أنا نفسك كنت بترعب جدا وبخاف اقسم بالله ان لو سمعت بس خبر وفاه اي شخص كنت بتعب فوق ما تتخيل
انا لو كنت سمعت كلمه وفاه فلان اعرفه او لا كنت بخاف فوق ما تتصور وابكي واترعش وفي النهايه ولا حاجه حصل ايه ولا حاجه الامور بفضل الله تمام

الهلع ليس خطير ولا يصيب الجسم بأي شيء اعراضه
عشان تكون على بينه وعلى نور
اعراضه الظاهره والتي تحدث هي
ضربات قلب سريعه
وتعرق وخوف شديد وقلق وخوف من الموت
ورهاب ورهاب ورهاب
واكتئاب ونوبة حزن وغيرها
وساعات بيوصل الامر للتقيؤ

فلا تقلق يا عمناااااااااااااااااااااا
فيه مثل بيقول طنش الحمير تعيش أمير