المشاركة الأصلية كتبت بواسطة طويق

اخوي حائلي انت مافيك الا العافية . هذي الاعراض سبق ان صارت لي . كل الي تمر فيه سبق ان مر فيني . انا اول ماكان فيني اي شي ابدا لكن جتني نوبة فزع هي الي خلتني اتغير . اقصد اصبحت كأني شخص اخر . فيه تغيرات في الدماغ تصير لكن
ما ادري وش سببها الله وحده هو الي يعلم . يعني تخيل انك تكون بصحة نفسية كويسة بعدين تجيك نوبة فزع تغير كل شي في حياتك . لازم انك تقاتل ولا تستسلم وتواجه والا راح تعيش كل حياتك اسير للمرض النفسي . انت الحين مافيك الا العافية لو تروح للمستشفى ويكشفون عليك من راسك الى ساسك ماراح يلقون فيك اي شي . الادوية النفسية تعطيك جو كأنك شفيت لكن فجأة تصير انتكاسة تضطر انك تغير الدواء . واحيانا تترك الدواء وترجع لك نفس الاعراض .
جرب تقوم الليل وتصلي . حمل في جوالك المصحف واثناء القيام اقراء منه جزء او جزئين في البداية راح تظن انك ماتقدر لكن بعدين يصير الامر عادي جدا . واحيانا تتمنى متى يجي الليل عشان تصلي . شعور جميل جدا وادع الله في السجود انه يشفيك ادع وانت موقن بالاجابة واحسن الظن بالله . فيه ادعية لازم انك تقولها في الصباح والمساء مثل ( بسم الله الذي لا يضر مع اسمه شئ في الارض ولا في السماء و هو السميع العليم ) ثلاث مرات يعني اطمئن مارح يجيك شي ابدا باذن الله .
وتوكل على الله . قل كل صباح ومساء ( حسبي الله لا اله الا هو عليه توكلت وهو رب العرش العظيم ) سبع مرات من قالها كفاه الله هم الدنيا والاخرة . يعني اطمئن خلاص انت متوكل على الله مارح يجيك شي . كذلك قل ( اللهم اني اسألك العافية في الدنيا والاخرة اللهم اني اسألك العفو والعافية في ديني ودنياي و اهلي ومالي اللهم استر عوراتي وامن روعاتي اللهم احفظني من بين يدي ومن خلفي وعن يميني وعن شمالي ومن فوقي واعوذ بك ان اغتال من تحتي )
وفيه ادعية اخرى حافظ عليها .
انا ودي انك تجرب كل يوم تعصر شمندر مع الجزر او بدون جزر . لمدة اسبوع بس صدقني راح يخف عندك التوتر كثير وتقدر تتتحكم في مخاوفك ان شاء الله . جب لك شمندر بحجم الطماطة وقشرها وحطها في عصارة الجزر وحط عليها موية او اعصر معها جزر ( في نفس عصارة الجزر ) او استخدم الخلاط حط شمندر مع كاسين مويه راح ترتاح بأذن الله كثير . انا جربتها وماكنت اتوقع انها بهذي الفايدة . الشمندر فيه فوايد كثيره للقلب وللجسم ككل .