المشاركة الأصلية كتبت بواسطة عيون متفائلة

محمد هذا اللي علومه مثل علوم النسوان الواحد يحزن عليه ، لأنه ضعيف تفكيره سطحي جاهل

و الجاهل ما أحد يشره عليه

لذلك سبحان من قسم العقول بين عباده كما قسم الأرزاق

و الا بالله كيف الواحد يسأل أو يلمح عن أمور مصيرية مثل الرزق

الزواج رزق و الذرية رزق و الصحة رزق و ربي مقسم الأرزاق ، بيده سبحانه تقسيم كميتها و توقيتها

و كرم الله لا يتأخر و إنما يأتي في الوقت المناسب

محمد كأني اشوف عيالك حولك قريب بإذن الله و ربي وقتها كفيل برزقهم قبل رزقك لانه ذكر هذا في كتابه الكريم يوم قال نحن نرزقهم و إياكم ، قدم رزق الأبناء على رزق الآباء ،
و انت رجل طيب قلبك نقي و تستاهل كل خير و ربك ما راح يتركك

كلن ما راح يموت إلا و مستوفي رزقه كامل ، و ما احد يبي ياخذ رزق أحد

بعدين الله اكبر ياللي تزوجوا ، ما يدريك يمكن هذا اللي يتكلم و غيره كثير مو مصبرهم على بعض غير الاولاد او التعود و الخوف من خوض تجربة زواج جديدة ينصدمون بها ، ترى كثير يا لطيف وده ما يشوف الثاني و البيوت أسرار لذلك تلقاهم يحطون حيلهم باللي ما اعرسوا حاسدينهم

يشهد الله ان نظرتي للزواج و الحياة صايرة اما حياة تسر الصديق ألقى فيها العوض عن الشقاء و الراحة و الا ممات يغيظ العدا

ماني ناقصة اوجاع و جراح و لا عاد لي طاقة و مجاهدة و صبر على المشاكل و غثاها

تحس إن الزواج مغامرة كبيرة الله يعطي المسلمين خيرها و يكفيهم شرها

المغامرة هذي لوحدها تجمد الدم في العروق كيف لو كانت التجربة ما تسر ، أدري فيه انفصال ، بس بالنسبة للمرأة الانفصال كسر حتى لو هي سعت له و دفعت حتى تحصل على حريتها ، لأن يوم سئل الرسول صلى الله عليه و سلم عن طلاق المراة قال : انما طلاقها كسرها

و ربي يجنب المسلمين الكسر و الويلات و يحفظ الجميع و يوفقهم لما يحب و يرضى