المشاركة الأصلية كتبت بواسطة قطرات الندا

صباح الخير
اخوي محمد لاينكسر خاطرك ولايضيق صدرك من هالبشر اللي مامنهم الا اللقافه .. كنت زمان احضر دورات تنميه بشريه وفي احد المحاضرات وحده سألت الدكتور تقوله انا تعبت من اهل زوجي من اروح لهم ماغير يسألون ليه ماحملتي لك سبع سنين متزوجه وليه ماتكشفين وليه وليه وليه تقول جاني رعب من زيارتهم تقول اقدر ارد عليهم واقهرهم مثل مايقهروني لكن عملت حساب انهم اهل زوجي قالها الدكتور تدرعي قبل اي مناسبه اجتماعيه والتدرع من علوم الطاقه اللي هو التحصين اقرا المعوذات قبل تطلع وتخيل انك لابس درع من راسك الى رجولك وقول اي كلام يسيء لي او يضايقني راح يصطدم بالدرع ويرجع واصلا اصلا لا راح يقدمون ولا يأخرون يعني على قولتهم قفل الشباك خلهم يبربرون .. للامانه استسخفت الطريقه لكن قلت بجربها عند دكتور الاسنان وبالفعل رحت موعدي وقرأت المعوذات واية الكرسي وتخيلت اني لبست الدرع وألم الابره ووجع الحفر كله بالدرع مو فيني وحقيقه اني ماشعرت الا بضحك وخلصت وكانت بجد اروع مره اروح لموعد اسنان .. طبعا درب نفسك على التدرع وابحث بالنت بتلاقي طرق كثيره له . لكن اولا واخيرا العقل المخلوق اللي اسمه عقل جبار هو ابسط المخلوقات واعقدها بنفس الوقت .. جرب تستخدم طريقة الايحاء راح تساعدك شوي يمكن تقولي انك قديم بالاكتئاب وجربت كل شي ومافاد معك لكن صدقني ربي مايقفل باب الا يفتح لك الف باب اسعى وجرب واشتغل على نفسك واطرق كل الابواب سواء نفسيه او علاجيه او طرق جديده يمكن تلاقي سر الشفاء بابسط الاشياء .. ربي يكون معك ويساعدك ويفتح لك باب فرج من حيث لاتحتسب