نفساني - عرض مشاركة واحدة

05-04-2018, 07:52 PM

مساء الخير
لفت نظري كلام اختي عيون انها من الصغر تعاني من الضيق والاكتئاب يمكن يكون عندك شي وراثي اختي عيون .. النقطه الاهم اللي ودي انبه نفسي وانبه الاعضاء الكرام هي اليقين وحسن الظن بالله دائما نقول عندنا حسن ظن لكن بابسط التفاصيل والاحداث نجزع ونخاف وكأننا ماتوكلنا على الله حق التوكل .. نفسي اعرف سر الوصول لليقين وحسن الظن حقيقه وليس كلام .. اشوف ناس ظروفهم سيئه مهلكه من فقر وامراض ومشاكل اسريه لاتنتهي وتلقاهم سعيدين ولايعانون من اي هلع ولا اكتئاب العشره ريال عندهم كنز وجمعات الاهل عندهم عيد ويرتبون لها قبل اسبوع من الفرحه . اشوف بنات تتوفى امها والا ابوها تحزن اسبوع وترجع تمارس اىحياه ولا كأن اغلى من مشى بهالارض فارقها . العله من انفسنا مش من اي شي اخر لكن السؤال كيف نقدر نتخطى ونتوكل حق التوكل ؟ هذا هو السر وهذا هو طريق السعاده والخلاص .
مدري ليه مو مقتنعه بحكاية ناقلات عصبيه قناعتي تقول فيه سر لسا ما اكتشف واللي تشافى اكتشف هالشي من غير مايدري يعني صدفه . اتوقع فيه نوعين واكثر من الاكتئاب نوع له اسباب والمريض يعرفها و نوع بدون اسباب وهالنوع مؤلم وصعب لكن انصحكم بتقنية البحث في الاعماق من الطفوله والمراهقه تذكرو احداث مرت بحياتكم ودفنتوها سواء خوف او حدث سيء او كلمه حتى لعل الله يكتب فيها سبب الشفاء .. من طرق البحث في الاعماق الكتابه وتقنية سيدونا تبحثو عنها بالنت رائعه وفيها تفريغ نفسي رهيب .. لاتستهونو بابسط الاشياء يمكن تكون هي الحل او جزء منه . احنا نسعى ورب الكون يدبر ..
دمتم في حفظ الله ورعايته