راجيه عفو ربي

بيانات اضافيه [ + ]

رقم العضوية : 55517  تاريخ التسجيل :  01 2017  أخر زيارة : 04-08-2018 (05:05 AM)  المشاركات : 55 [ + ]  التقييم :  10

لوني المفضل : Cadetblue

التشخيص: قلق حاد جدا .. العلاج : سبرالتكس .. احتاج دعمكم وتجاربكم

السلام عليكم..

انا لدي خوف من لما كنت طفله وهالشي الكل يعرفه
كانت تجيني نوبات هلع ماعرفت انها نوبات الا قبل سنه
وكانت تجيني قبل 10 سنوات..

معاي وسواس من الامراض وغيره
سبق وجاني وسواس وضوء وطهاره وصلاة
الزبده تاريخي مليء جدا بالتجارب النفسيه


زرت طبيب امس لاول مره
لاني جتني حاله ماسبق وشافتها عيني
وهي
تعرق شديد جدا.. احساس بالبرد ورعشه.. إنعدام الاحساس بالأطراف القدمين واليدين .. الشعور بالموت والإغماء .. لعثمه في الكلام ..

رحت الطوارى صلحو لي كل شي سليم
تحاليل
اشعات
رنين مغناطيسي للدماغ
وقالو ضروري نحولك للطب النفسي حالتك صعبه
هالكلام قبل اسبوع
الى الان الاعراض تروح وتجي معاي صداع ودوخه ملازمتني طول الوقت .. خمول .. تعب ... عضلاتي مشدوده.. نوبات غريبه افقد فيها الاحساس بجسمي كامل واحس كاني ورقه.. كاني جماد .. كان اعصابي مقطوعه وأعصابي متوقفه..

الطبيب ما اخذ واعطى معي كثير الجلسه كلها ماجت عشر دقايق
شرحت له اخر موقف. وقالّ معك قلق حار وهذا علاجك سبرالتكس
اول 4 ايام نص حبه
بعدين حبه واشوفك بعد اسبوعين..
والكورس حق العلاج يبي له سنه ونص ويمكن نزيد..

مادري صراحة انا محتاجه ارتاح كثير لان الخوف مخرب علي امور كثيره بحياتي
بس !
اخاف اجييب لنفسي التعب والشقاء ودوامة الحبوب والانتكاسات..

قريت اعراض التوقف عن العلاج بالورقة حصلت كلها فيني الان

ضيق تنفس
هيجان
تعرق ليلي
تعرق شديد
خوف
دوخه
والخ ..


انصحوني اخذه ؟ الدكتور رفض علاج سلوكي يقول حالتك متقدمه كثير .. مره محتاره وخايفه ومتردده وكل شي انتظركم..

المصدر: نفساني