نفساني - عرض مشاركة واحدة

17-04-2018, 10:16 PM

تحديث : 😀 اليوم كانت جلستي مع الدكتور النفسي وعملت جلسة استرخاء قصيره جدا لأنها اليوم بدايه اول جلسه وحسيت اني تنعنشت شوي .
الدكتور قالي مشكلتك بالدوخه التركيز على جسدك تراقبينه ٢٤ ساعه وهذا اللي يخلي الاعراض تتكرر وكلامه صحيح انا بس اراقب لكن قررت بحول الله اني احاول اطنش .
حبيبي زوزي امس دكتوري تكلم بالسناب عن وسواس الاحلام وتذكرتكم كلكم اعضاء قسم الوسواس ياليت سجلت كلامه وسمعتك ..
حبيبتي لاتضيعين حلاوة العمر بالاحلام وفكري واسترجعي كم مره حلمتي حلم شين وماحصل لك شي .
جربي هالطريقه كل ماجتك الفكره غمضي عينك وحطي يدك اليمين على بطنك وابدأي التنفس بهدوء يعني تصير يدك اللي على بطنك ترتفع وتنزل وبعدين عدي من واحد الى ٣٠ واذا وصلتي ٣٠ وقفي عد وانتي مستمره بالتنفس بهدوء لمدة ٢٠ ثانيه بعدين ابدأي عد تنازلي يعني تعدي ٣٠ _ ٢٩ _٢٨ الخ لين توصلين صفر
اذا خلصتي ادخلي بخيالك انك تمشين على شاطيء بحر وتأملي كل الاصوات سواء طيور او موج استشعري بردوة التراب لمدة كم دقيقه بعدين خذي نفس عميق من الانف وطلعيه بهدوء من الفم وفتحي عينك بشويش .
اعملي هالتمرين بدون اي مقاطعه من احد وبمكان هادي ولبس مريح .
اذا عملتيه تعالي قولي لي ايش حسيتي .
هو تمرين مره بسيط وراح نكرره ان شاء الله وبتشوفين التغيير بالتدريج وألف سلامه عليك