نفساني - عرض مشاركة واحدة

18-04-2018, 08:47 PM

ياقديم السالفه خبرك قديم
السموحه زل مبطي وقتها

طيبتي معك اوصلتني للجحيم
يكفي اعذارٍ مضت صدقتها

ماخلقني خالقي شيّال ضيم
جيت ادور فرحةٍ فارقتها

ياكثر ماشفت بالسلوى نعيم
عقب لوعاتةٍ بحبك ذقتها

صرت لي رغم الغلا مثل الغريم
كل ما فرجت علي ضيقتها

كم وكم عاهدتني عهدٍ عظيم
وقلت ما بوق العهود و بقتها

انتظرتك عقب ميلك تستقيم
وماتت اﻵمال ما حققتها

مالها جدوى مداراة الغشيم
جثتةٍ لو مت ما فَوّقتها

زدت ظلم وضاق بك صدر الحليم
ثورة البركان هذا وقتها

بروح أشوف لي فلم درامي و الا بلاش أنام أحسن لي أستودعكم الباري الذي لا تضيع ودائعه