نفساني - عرض مشاركة واحدة

18-04-2018, 10:00 PM

اقتباس:

المشاركة الأصلية كتبت بواسطة قطرات الندا

ابو نجلا بكره خير صدقني بحول الله وقوته .. ربك بدل حال ايوب عليه السلام بغمضة عين وش حنا يالعباد اللي امرنا بين يديه يقلبنا كيف يشاء .. احسن الظن به وشوف .
ترى ادري هالكلام بعض الاحيان يعصب باللي تعبان ومابيده حيله لكن هذي الحقيقه نرمي حمولنا عليه وهو ارحم الرحمين .
ابو نجلا الاحظك تروح العزيزيه البحر ليه ماتنزل تسبح لو عشر دقايق ؟ البحر فيه اليود والزنك ومعادن ثانيه وتراها عامل مساعد بجلاء الهم والحزن .. وكمان اذا رحت البحر الصبح وماحولك احد صرخ لين ينبح صوتك صرخ صرخ وبكل صرخه استشعر الاكتىاب يطلع يعني زي تنظيف الروح من داخل .
هذي الطريقه ابتكروها بالهند للتفريغ لمرضى الاكتئاب والقلق .
يوم كنت امشي ع البحر اتلفت ام ماشفت حولي احد قمت اصرخ وتصدق احس بسعاده لان يجيني ضحك على هبالتي بس شعور حلو 😀
نسعى ونسعى ونسعى ولا نيأس والله كريم

هههههههههه الله يسعدك وين أصرخ و في ناس مسنترة آخر مرة رحته من كم يوم و شفت ناس حولي و الله ذاك اليوم قلت بغطس ارجولي و كنت لابس ثوب نوم بس هونت و يبغالها يوم قريب و آخذ سروالي السباحه و المنشفة و أغطس نفسي ، صدقتي البحر فوايده جمه حتى لو أوقف في البحر و أمشي فيه

تصدقين عندي عقدة من البحر العميق ما أروح العميق لأن مرتين غرقت و أنا صغير و في سن المراهقه و صار عندي خوف من العميق و الحين الحمدلله أعرف أسبح لكن أكون في طرف البحر لو بعدت فاعرفي ان البحر بيغدر فيني لا محالة ههههههه

لا تقولين يا قطرات الندى اني أعصب عليك أبد ماني بمعصب منك سالفة حسن الظن بالله و الله ما أخفيك في أيام تجيني خاصة بعد إصابة الركبه ليش الناس تقول صنائع المعروف تقي مصارع السوء زين أنا وش سويت عشان أتعاقب أعوذ بالله أدري انه من إبليس لكن و الله كانت تلح علي إلحاح خاصة بعد العملية بعد ما حطوني في وحدة الإفاقة و فقت من البنج خاصمت الممرضات و هاوشتهم ليش ما تخلوني أنام و دوني العيادة النفسيه أنا ما أنام و من هذا الكلام و الا إيش ما إيش المهم جاني واحد يهديني في وحده إسمها خديجه قلت وين خديجة لأنها هي اللي ما تسكر الباب و كل شوي داخلة خارجة و لا تطفي اللمبة و قد حطت لي المغذي و لعبت بمحل الوريد ما عرفت تحط إبرة المغذي زين و حقدت عليها بعد ما فقت من البنج رغم قبل العملية كانت ما أحلاها ههههههههههه لكن مع البنج ضربت الفيوزات و عقب هواشي معهم خذيت عكازاتي و نزلت تحت أحرق زقاير من الغبنه حتى جاني أخوي نقدني قال العمليه توها و أنت تنزل ليش ما ترتاح تنام و الدنيا برد كان فيني قهر و ضيم و قمت أسب اللي ما ينسب في داخلي

كنت أدخن بحمام المستشفى بحكم إصابتي صحيح ما يحقلي و يحقلي لأني مضطر وش أسوي المهم جت الدكتورة عهود مع دكتور عاتبتني الدكتورة عتاب شديد غدا وجهي مغسول بمرقة بعدها طلعت أنا و تمسكني الممرضة خديجة و قالت لا تطلع الدكتورة تقول لا تطلع قلت بدخن قالت هذا أنت تدخن في الحمام تحسب انا ما ندري قلت بنزل المهم أنا و اياها مناوشات و هي ماسكة على كلمة ( ما عليه ، ما عليه ) قصدها ما عليه خلك بالغرفة المهم خلتني أنفجر و قلت بيدي إشارة يلا انقلعي و الدكتورة تقولها كلام أظنها قالت خليه خلاص خليه يدخن برى و لا في بناية المستشفى قلعته اللي يقلعه

زين أصرخي و أصرخي و خليك مهبولة هههههههه أنا إذا بصرخ بقفل علي الموتر و القزاز و أصرخ تجيني حالة أصرخ بالغرفة غرفتي متشطرة عن البيت شوي ما أحد يسمعني و الا أكثر الأوقات يكون الصراخ داخلي أكثر من إنه لفظي

الله يزينها و تزين يا رب

يا رب يا من قلت و قولك الحق كن فيكون يا رب إنك أمرتنا بدعائك و وعدتنا إجابتك

يا رب يا من قلت و نحن أقرب إليه من حبل الوريد سبحانك ما أعظمك و ما ألطفك

يا رب تعلم حاجاتنا فاقضها لنا أنت خير من قضى الحاجات يا قاضي الحاجات

يا من ترى و تسمع دبيب النملة السوداء في الليلة الضلماء على الصخرة الصماء

إشفنا ثم إشفنا ثم إشفنا

اللهم القوة و النصر على الأعداء و على الأهواء و على الأدواء

اللهم أسعدنا و لا تشقينا

يا أرحم من رحم يا ألطف من لطف يا أحلم من حلم يا خير و أعظم مسؤول