نفساني - عرض مشاركة واحدة

19-04-2018, 12:15 AM

اقتباس:

المشاركة الأصلية كتبت بواسطة قطرات الندا

😂😂😂😂😂😂😂😂😂😂 قسم بالله انك منسم يابو نجلا حست مرير المستشفى باللي فيه لو انا الممرضه كان حديتك على الشباك لين ترمي نفسك وارتاح منك 🤣🤣🤣
شوف على طاري ليش انا يصير لي كذا تذكرت يوم وفاة ابوي بغيت انهبل وبغيت اموت وبغيت اكفر استغفر الله مير الله اللي ثبت عقلي شوي اقول لربي ليش تاخذ مني اغلى شي بحياتي وبعدين عرفت الحكمه من كل شي صرت قويه ومسؤوله واعرف ادبر اموري تأكد ان في كل مصيبه فرجين لكن احيانا مانشوف الباب زين .
انت روحك مرحه حتى لو فيك اكتئاب والله لو اني منك لاشوف لي دبره بنفسي بس بتقولي وشي بقولك مدري 😨
مثلا الف كتاب ساخر 🙁
انا ودي ارعى غنم بالبر 😨

هههههههه ممكن على حسب و أظنك سوف تفعلين :)

تغمد الله والدك بواسع رحمته

اي أكيد تجي الأفكار ذي من المستشار إبليس نعوذ بالله منه يستغلنا في حالة الضعف و المصيبة و الحمدلله تقويتي و عقدتي الإرادة بعقدة قوية ما تنفك لك إن شا الله أبد الآبدين و صدقتي و أنت الصادقة دوم يا رب في كلامك لن يغلب عسر يسرين مصداقا لقول رب البرية سبحانه و تعالى

امم كاتب ساخر يكفون و يوفون جعفر عباس و شلاش الضبعان :)

هذولا اثنين كنت أقرا لهم كانوا يكتبون و يشخبطون على زوايا المدرسة الجريدية يندسون في زوايا الجرايد أيام ما كان في لا سناب و لا تويتر

ترعين غنم في البر زين و الله خيال حلو أجل هايدي من اليوم و رايح :) يا زين رعي الغنم و أهلها طيبين و صدورهم شرحه و كريمه و سخيه و لينين الجانب و سهلين إسألي خبير مع اني ما رعيت الغنم

تصدقين شفت عجوز مع بنتها متغطيه عند عزبة غنم تقول للراعي الهندي سو كذا سو كذا تعلمه بس قديم هالكلام أيام ما كنت أظن في الثانوية كنت بالبر و أشوفهم الله يعينهم بس رعي الغنم تريه فيه صعوبه أنا أشوف انها أشقى رعي من البل

البل راعيها مرتاح صح فيها صعوبة و مشقة لكن ما تقارن بالإبل بحكم نسبة التحمل و القوة

البصير في رعي البل لا شاف راعي إبل عنده عجره ينقده اي هذا مو راعي إبل هذا ما غير يدوسها دوس أما لا شاف راعي عصاته صخيفه و لطيفه عرف انه راعي إبل يهاديها مهاداه

الغنم اللي هي الضان أصعب رعي من المعزى

رعي البل و الحلال اللي هي الغنم عالم ثاني و أهلها موسمين سبحان الله بالكرم و الطيب و خصوصا أهل الغنم أما في القوة و الجاه فهي لأهل البل هذا قديما أوضح و أصرح من الآن

يلا نشوفك يا هايدي لك فرقة من الغنم و فرقة من المعزى و فرقة من البقر و خيول أصيلة مأصلة تباريها و تحميها

الله يسعدك دووووم و يوفقك لكل خير

أنا عندي بسه عفرا بغيت أعرضها اليوم لبسمه لكن اللاب هنق في تحميل الصور من الجوال إلى اللاب الجوال جاه بلى

أستأذن قطرات الندا تعبت و الله و إستلمي إهداء قبل النوم

https://