نفساني - عرض مشاركة واحدة

02-05-2018, 06:02 AM

بن دايم البارح كانت جلستي مع الدكتور وكنب لي دواء برنتلكس ٥ مل قالي خليه عندك وفكري فيه واذا استخدمتيه استخدميه ٦ شهور فقط وراح اسحبه منك بالتدريج .. قالي تقدرين تكونين احسن بدونه لكن اذا حسيتي انك منزعجه ومو قادره ترجعين لطبيعتك خذيه .
قالي مشكلتك الاساسيه هي الخوف من المجهول مثل الامراض والادويه والفناء سماها لي لها مصطلح طبي بس نسيته .. مو الخوف من الموت لا الخوف من اي شي يغيب الشخص عن الوعي والواقع اتمنى وصلت لك الفكره .
زمان كنت اخاف جدا جدا من الابر احس بحاله غريبه اذا شفت الابره الى ان وصل عمري ٣٧ سنه وتنوم الوالد بالمستشفى وكنت معاه وكنت اشوف كمية الابر اللي يعطونه من تحاليل ومغذيات وكنت اتألم لكن غصب اواجه الموقف وبعدين دخل العنايه المركزه الى حد شفت ابرة الوريد المركزي اللي يدخلونها بالرقبه وصلت لمرحلة الم اني فقدت شعور الالم وبعد ماتوفى رحمة الله عليه فجأه لقيت نفسي استسلم للابر بكل سهوله انكسر عندي حاجز الخوف بكل بساطه وبدون اي مجهود مني .. مدري ليه وكيف .
الان صار الخوف من الادويه والامراض وركوب الطياره .. اي مجهول او طريق يمكن يسبب خطر لو واحد بالميه يرعبني يرعبني الى درجه مضحكه مبكيه افقد السيطره على ردات فعلي .
يمكن لأني صرت وحيده زاد الخوف على نفسي مدري .
على فكره قبل وفاة الوالد ماعمري اخذت ابره بحياتي الا ابر التطعيم وهذي بالتأكيد ما اتذكرها ابد .
الان صارت الابر من اسهل الاشياء عندي .
تكوين الانسان والعقل والمشاعر من اعقد ماخلق الله سبحانه احيانا ماتفهم نفسك واحيانا تعرف اللي انت مقدم عليه لكن يباغتك شي غريب واحاسيس غريبه تمنعك .
كل يوم الانسان في حال سبحانه رب العزه والجلال خلقنا ويقلبنا كيف يشاء