نفساني - عرض مشاركة واحدة

05-05-2018, 01:07 AM

الله يجزاك خير يارب اخوي ملامح

و يرحم اموات المسلمين

اللهم آمين

قطرات يا غالية صايرة توحشيني ، حتى ما صرت تخصيني بالسلام و السؤال ، ترى صايرة افتقدتك كثير ، ربي يخليك لي و يبارك فيك

من أول ودي أسوي التمرين اللي قلت عليه ، اللي يخص الفضفصة ثم شق الورقة

انا يبي لي اقل شي اتفرغ ساعتين و لوحدي و مو ورقة إلا مذكرة

تدرين اذكر أشياء اثرت فيني و احداث و انا عمري ثلاث سنين و اقصها على الوالدة تقول لا ، لا تبالغين أكيد انا قصيتها عليك

قطرات اذكرها بالاماكن و الاحداث لكن مو بالتفصيل ، و ليش قلت من عمر ثلاث سنين و اكبر

لاننا عشنا في بيت بمكة المكرمة من الولادة لين عمر ثلاث سنين و اذكر الحوش و مكان الثلاجة و يوم تجمعت الكلاب علي و انا بالحوش اصارخ ، و يوم كسرت طبق البيض و امي ضربتني بلي المغسلة ، عشان كذا قلت لك اذكر مكان الثلاجة و الحوش و الكلاب

و بصراحة كل ذيك الاحداث اثرت فيني خصوصا ضرب الوالدة لي باللي ، حسيت انها اوجعتني كثير الله يسامحها

ثم انتقلنا لبيت ثاني جنب بيت عمي الله يرحمه من عمر ثلاث سنين الى ما قبل الدراسة و برضه اذكر بعض الاحداث اللي من بينها اصابتي بالعنقز اللي انتقل لي عدوى من عيال عمي

ثم يوم طبيت المدرسة عشنا بأم الرخا و الشدة جدة و تتوالى الأحداث الحزينة اللي فاق رصيدها رصيد المبهجة ، و دايم استحضرها و أتألم لذكرها كأنها البارح ، يمكن لو دونتها و مزقت القراطيس كود ارتاح