المشاركة الأصلية كتبت بواسطة قطرات الندا

ابو مسريب هذي نفس اعراضي بالذات القارب وعدم التوازن بالذات اذا طلعت من البيت والاضاءه القويه والاصوات العاليه احس براسي فيه مكينه تطحن .. بقولك هالمعلومه قالها الدكتور وهي ان القلق لما يكون حاد وعلى فترات طويله هناك قشره رقيقه جدا تغلف المخ ومع القلق تصاب هذي القشره بالتهاب هو اللي يخلينا نتحسس من الاضاءه والاصوات وتجي بقية اعراض القلق اللي هو الدوار والغثيان وعدم التوازن .. سألت الدكتور معقوله القلق يسوي كذا قال يسوي اكثر من كذا .. من اكثر الاشياء المفيده الجلسات النفسيه والاسترخاء وعموما الجلسات النفسيه وتقنياتها تبدا مفعولها بعد ٢٦ اسبوع تبدا تحس بالتحسن . انا للامانه عملت جلستين استرخاء عند اخصائي نفسي شعرت بنوع من الراحه والتوازن لفتره بسيطه وراح اكمل ان شاء الله .
من الاعراض انك تناظر بالناس وتقول مايحسون باللي احس فيه تصحى من النوم مكسر و دايخ ومزاجك هابط واحيانا خفقان واحباط خوف من اي خبر سيء ماترتاح الا في البيت تكره الازعاج تحس انك غريب الامعاء عندك ملخبطه احيانا امساك واحيانا اسهال وانت بكرامه تخف الحاله شوي اذا نمت زين تزيد الحاله لو اكلت معجنات او زيوت تجيك لحظات ضيق شديد لمدة ثواني ملل لما يطول النقاش بأي موضوع وملل من كل شي كنت تستمتع فيه صار الان مايشعرك بالمتعه .
اكيد نسيت اعراض لكن هذا القلق ومايسوي .
اخوي ابو مسريب تعلمت تقنيه وحسيتها تجيب نتيجه تقريبا ٣٠ الى ٤٠ بالميه وهي انك تركز على دماغك ورقبتك من الخلف واكتافك وجبهتك اول شي تاخذ تنفس عميق من الانف وبهدوء وتقول لنفسك استرخي وتتخيل ماء بارد يجري بخلايا الدماغ لحد ماتستشعر الهدوء وبعدين على جبهتك وبعدين على رقبتك بعدين على اكتافك تكرر نفس الشي من تخيل ماء بارد يجري وتقول استرخي وتاخذ نفس عميق لكن مو بسرعه بهدوء والزفير بهدوء لحد ماتحس براحه ولو بسيطه .
شرح لي الدكتور كيف ينشأ القلق
اولا : فكره
ثانيا : مشاعر
ثالثا : سلوك
بمعنى تبدأ بفكره حتى لو تافهه تتفاعل معاها مشاعرك وينتج عنها ردة فعل الجسم اللي هو بالسلوك اللي هي الاعراض اللي نمر فيها .
المفروض علينا من تمر الفكره نقطعها ونبدلها الى الهاء المخ بأي شي اخر ايجابي عشان ماتكتمل حلقة القلق .
طبعا العلاج السلوكي يبغى له وقت طويل يعني لا تيأس حاول وحاول وحاول لأننا نتعامل مع اعقد واعظم ماخلق ربي اللي هو المخ والافكار .
اتمنى اني قدرت افيدك لو بشيء بسيط والله يشفيك ويريح بالك وازمه وتعدي ان شاء الله