نفساني - عرض مشاركة واحدة

07-05-2018, 11:09 AM

للأسف قطرات ما قدرت أروح لآخر لحظة الوالدة تحاول فيني ، ما هي مستوعبة كمية الخوف و الرجفة اللي بين ضلوعي لدرجة يوم قررت أروح حسيت أن مخي اختفى عبارة عن صفحة بيضاء ما فيه أي معلومة و ماني عارفة كيف أتصرف و وين أبدأ مشواري ثم سويت التمرين اللي قلت عليه و تنفست بعمق و صليت الضحى و كتبت خطوات المشوار بورقة و المهام و الأغراض اللي لازم أجيبها معي و الوالدة تلوم

ما يدرون إن اللوم بلاء بحد ذاته

المشكلة أن بعض الأهالي يضغطون عيالهم نفسيا من و هم أطفال و يحطون حيلهم فيهم و ينفسون فيهم غضبهم و يوم يكبرون يقطعونهم لوم

و لأئمة تقطعني ملاما ..

و في لوم اللائمات لي بلاء

و بعض الأهالي هم بأنفسهم يبي لهم علاج نفسي و لا يعترفون و يستمرون بالتنفيس في عيالهم عمرهم كله لين يحدون عيالهم على العلاج النفسي حد و يسوون إنهم هم اللي طالعين منها

اكتشفت أن ما أحد يلجأ للعلاج النفسي غير يوم ينهشه الخوف و القلق ، لكن اللي يمارس العنف مستمتع بتفريغ عنفه حتى بدون تأنيب للضمير ، لأن أصلا لو فيه ضمير يانبه ما كان لجأ لتعنيف الغير ، و لا أعطى نفسه سلسلة من الأعذار لتبرير العنف ، و يظل يؤذي غيره و يدمر نفسياتهم ، بينما الخائف القلق عدوانه على نفسه يظل يدمرها و يعطلها لين يقضي عليها

الحمد لله اللي جعلني ما أنام لو أدري إني جرحت أحد بدون قصد