نفساني - عرض مشاركة واحدة

15-05-2018, 09:59 AM

شخص ما حبيبتي لاتخافي ولا تيأسي
الله يفتح لك باب فرج من حيث لاتحتسبي تذكري قدرة الله كل ما اشتد بك الهم والله مايضيع احد ابدا .
شخص ما بقولك على شي جربته انا شخصيا وارتحت وحسيت بسكينه بفضل الله
كل يوم العصر وبعد صلاة الفجر اجمعي كفيك واقرأي الفاتحه سبع مرات وانفثي بكفك وامسحي كامل جسمك وانفخي في صدرك وعلى راسك كل يوم .
نصيحه مهمه جدا لاتيأسي مو تسوينها مرتين او ثلاث وماترتاحين وتقولين جربت ومانفع لا .. اجعليها جدول يومي واسلوب حياة وايقني ان الله سبحانه عالم بما في الصدور .
كان نفسي اساعدك اكثر لكن ماعرف بالادويه صراحه .
حاسه بمعاناتك واسأل الله العظيم ان يرفع عنك هذا البلاء والغم ويعوضك خير وراحة بال .
شي ثاني احب اضيفه لاتيأسي من علاج لم تستفيدي منه غيري الدواء وغيري الدكتور وتنومي بمستشفى لو حسيتي انك مو قادره تكملي او تقاومي وتأكدي ان طرق العلاج كثيره وواسعه واذا ماحصلتي العلاج بمكان تلقينه بمكان اخر وايقني ان اول طريق الشفاء الأمل .
شي جميل انك طلبتي المساعده وهذا اهم شي بالعلاج النفسي لأن فيه مرضى كثير ماتوصلو لمعنى معاناتهم ولا هم فاهمين اصلا مايحصل معهم .
اطلب منك فقط الاطمئنان والثقه بالله وكلها مسألة وقت واختيار طبيب جيد وراح تكتبين لنا بعد كم اسبوع انك في طريق الشفاء بحول الله فقط ثقي بالله واحسني الظن به سبحانه